Kiribaties (Taetae ni Kiribati), voorheen Gilberties, is 'n Maleis-Polinesiese taal wat saam met Engels die amptelike tale van die eilandnasie Kiribati vorm. Die teks van Kiribati se volkslied, Teirake Kaini Kiribati, is in Kiribaties.

Kiribaties
Taetae ni Kiribati
Gepraat in: Vlag van Kiribati Kiribati 
Gebied: Oseanië
Totale sprekers: 118 401[1]
Taalfamilie: Austronesies
 Maleis-Polinesies
  Oseanies
   Mikronesies
    Kiribaties 
Skrifstelsel: Latynse alfabet 
Amptelike status
Amptelike taal in: Vlag van Kiribati Kiribati
Gereguleer deur: geen
Taalkodes
ISO 639-1: geen
ISO 639-2: gil
ISO 639-3: gil

Taalkundiges klassifiseer Kiribaties as 'n Mikronesiese taal wat nou verwant aan Marshallees van die Marshalleilande en Nauruaans van Nauru is. Dit is ietwat minder verwant aan Oos-Polinesiese tale soos Cookeilandse Māori, Hawais, Māori, Rapa Nui en Tahitiaans asook Wes-Polinesiese tale soos Samoaans, Tokelauaans en Tuvaluaans, en het daarnaas nog 'n los verbintenis met Fidjiaans en Tongaans.

Kiribaties word deur 118 401 mense gepraat. Dit is voorheen "Gilberties" genoem ná die seekaptein Thomas Gilbert wat in 1788 saam met die seekaptein John Marshall, ná wie die Marshalleilande genoem is, Kiribati en die Marshalleilande vir Europa ontdek het.[2]

Verwysings wysig

  1. "Ethnologue: Languages of the World, Seventeenth edition, Kiribati" (in Engels). Ethnologue. Geargiveer vanaf die oorspronklike op 14 April 2020. Besoek op 14 Februarie 2018.
  2. (en) Samuel Eliot Morison (22 Mei 1944). "The Gilberts & Marshalls: A distinguished historian recalls the past of two recently captured pacific groups". Life. Besoek op 14 Februarie 2018.