Kladow [ˈklaːdoː] is die mees suidelike geleë stadsbuurt in die Berlynse administratiewe distrik Spandau.

Kladow
Stadsdeel
Die ou dorpskerk van Kladow in die winter
Die ou dorpskerk van Kladow in die winter
Ligging in Berlyn
Ligging in Berlyn
Koördinate: 52°27′11″N 13°8′34″O / 52.45306°N 13.14278°O / 52.45306; 13.14278Koördinate: 52°27′11″N 13°8′34″O / 52.45306°N 13.14278°O / 52.45306; 13.14278
LandVlag van Duitsland Duitsland
DeelstaatBerlyn
DistrikSpandau
Eerste verwysing1267
Oppervlak
 • Totaal14,8 km2 (5,7 vk. myl)
Hoogte
35 m (115 ft)
Bevolking
 • Totaal15 495
 • Digtheid1 048/km2 (2 710/vk. myl)
TydsoneUTC+1:00 (MET)
 • SomertydUTC+2:00 (MEST)
Poskode
14089
Skakelkodes030

Kladow word in die noorde deur die stadsbuurt Gatow, in die ooste en suidooste van die Havel-rivier en in die weste en suidweste deur die deelstaat Brandenburg begrens. Hier lê ook Gatow se buurdorpe Sacrow en Groß-Glienicke. Met sowat 14 000 inwoners behoort Kladow tot die Berlynse stadsbuurte wat hulle dorpskarakter bewaar het.

Geskiedenis wysig

 
Die Lugmagmuseum op die voormalige militêre Britse lughawe

Die eerste historiese verwysing na die dorp as Clodow dateer van 1267 en maak van Kladow een van die oudste landelike nedersettings in die distrik Spandau. 'n Groter aantal mense het hulle eers teen die begin van die 19de eeu in die voormalige boeredorp gevestig.

Met die skepping van Groot-Berlyn (Duits: Groß-Berlin) in 1920 is Kladow by die Duitse hoofstad ingelyf. In die jare 1934 en 1935 het die plaaslike vliegveld ontstaan wat na die Tweede Wêreldoorlog by die noordelike stadsbuurt Gatow ingesluit is. As Gatow-lughawe was dit naas Berlyn-Tempelhof en Berlyn-Tegel een van die drie lughawens in die hoofstad wat gedurende die Berlynse Lugbrug deur geallieerde lugmagte gebruik is.

Huidige karakter en besienswaardighede wysig

Kladow is vandag nog steeds 'n dorp in die metropool. 'n Aantal historiese geboue soos die landgoed Neukladow (1800) en die dorpskerk (1818) dateer uit die 17de en 18de eeu. Nogtans is daar ook nuwe woonkwartiere opgerig soos die Finse buurt uit die jare 1959/1960 (Finnenhaussiedlung, 'n kwartier wat in 'n tipies Finse boustyl uitgevoer is).

Nadat die Gatow-lughawe gedeeltelik weer by Kladow ingesluit is, is die nuutste bouprojek Landstadt Gatow aangepak. 'n Nuwe winkelsentrum, die Cladow-Center, het tot 'n strawwe mededinger vir winkels in die ou dorspskern ontwikkel.

Vervoer wysig

Die Berlynse openbare vervoeronderneming BVG verbind Kladow deur busdienste met die middestede van Spandau, Potsdam en Berlyn. Daar is ook 'n gereelde pontdiens tussen Kladow en die stadsbuurt Wannsee in die suidweste van Berlyn.

Eksterne skakels wysig