Klavierconcerto nr. 12 (Mozart)

Klavierconcerto nr. 12 in A-majeur, K. 414 (385p), is in die herfs van 1782 in Wene gekomponeer. Dit is vir soloklavier, twee hobo's, twee fagotte (opsioneel), twee Franse horings, en strykinstrumente (viool, altviool, en kontrabas) geskryf. Net soos die ander twee Weense klavierconcerto's wat Mozart geskryf het (K. 413 en K. 415), is dit 'n beskeie werk wat met slegs 'n strykkwartet en 'n klavier (d.i. a quattro) opgevoer kan word.

Klavierconcerto in A-majeur
Nr. 12
deur W. A. Mozart
'n Fortepiano uit die tydperk
Fortepiano deur Johann Andreas Stein (Augsburg, 1775) – Berlyn, Musikinstrumenten-Museum
ToonaardA-majeur
KatalogusK. 414
Gekomponeer1782
BewegingsDrie (Allegro, Andante, Allegretto)
Partituur
  • Klavier
  • orkes

Klavierconcerto nr. 12 bestaan uit drie bewegings:

  1. Allegro in A-majeur
  2. Andante in D-majeur
  3. Allegretto in A-majeur

Klavierconcerto nr. 12 (K. 414) vorm deel van 'n versameling van drie klavierconcerto's saam met Klavierconcerto nr. 11 (K. 413) en Klavierconcerto nr. 13 (K. 415) wat Mozart tydens vastyd in 1783 opgevoer het.

Daar word bespiegel dat die konsertrondo in A van K. 386 'n alternatiewe finale vir K. 414 sy. K. 386 kan egter nie a quattro opgevoer word nie en handtekeningbewyse dui aan dat die allegretto van K. 414 op dieselfde bladsy as die einde van die andante van K. 414 begin.

Bronne wysig

  • Girdlestone, C. M. Mozart's piano concertos. Cassell, Londen.
  • Hutchings, A. A Companion to Mozart's Piano Concertos, Oxford University Press.
  • Mozart, W. A. Piano Concertos Nos. 11–16 in full score. Dover Publications, New York Stad.

Sien ook wysig

Eksterne skakels wysig