Kleinrivierberge

Die Kleinrivierberge is 'n bergreeks wat deel is van die Kaapse Plooigordel in die Wes-Kaap, Suid-Afrika.

Kleinrivierberge
Ooswaartse uitsig m.b.v. 'n verwerkte satellietbeeld
Ligging	Wes-Kaap, Suid-Afrika
Hoogte	831 meter bo seevlak
Reeks	Kaapse Plooigordel
Koördinate	34°23′24″S 19°20′47″O
Bergtipe	Bergreeks

Die bergreeks is vernoem na die Kleinrivier wat naby Hermanus in die Overberg-distriksmunisipaliteit uitmond. Die bergreeks begin hier en strek dan in 'n ooswaartse rigting tot noordoos van Stanford waar dit by Akkedisbergpas ten einde loop. Die hoogste piek in die reeks is Maanskynkop (964 m) wat oor die hele Walkerbaaise kuslyn 'n opsigtelike landmerk vorm. Die bergreeks het 'n koel mediterreense klimaat, met koel, vogtige winde wat van die suid-Atlantiese Oseaan waai. Alhoewel daar geen pieke hoër as 1 000 m is nie, bly die bergreeks indrukwekkend weens sy steiltes wat in die suidweste reg aan die see lê.

Die Fernkloof-natuurreservaat is in die westelike voetheuwels geleë, en die hoogtes van Maanskynkop word in die Maanschynkop-natuurreservaat bewaar.

Enkele kilometer noord van die bergreeks is 'n hoër reeks, die Babilonstoringberge. Dit vorm geologies deel van die Kleinrivierberge en alhoewel dit korter is, het dit hoër pieke met 'n hoogste piek van 1 167 m. Shaw se pas neem die R320 provinsiale pad oor hierdie bergreeks, waarvan die hoogtes suid van Caledon meer opvallend is.

Die Kleinrivierberge vanaf Hermanus se hawe gesien

Kleinrivierberge

Ligging van die Kleinrivierberge in die Wes-Kaap.

Hierdie artikel is in sy geheel of gedeeltelik vanuit die Engelse Wikipedia vertaal.