Koninklike Australiese Lugmag
Die Koninklike Australiese Lugmag, amptelik die Royal Australian Air Force (afgekort RAAF), gevorm in Maart 1921, is die luggevegstak van die Australiese Weermag. Dit hou die eer as die tweede oudste lugmag ter wêreld, wat as die Australian Flying Corps (AFC) gevorm is op 22 Oktober 1912.[2] Die RAAF bied ondersteuning oor 'n spektrum van bedrywighede soos lugsuperioriteit, presisieslaankrag, intelligensie, toesig en verkenning, lugmobiliteit en humanitêre ondersteuning.
| Koninklike Australiese Lugmag | |
|---|---|
| Gestig | 31 Maart 1921 |
| Land | Australië |
| Onderdeel van | Australiese Weermag |
| Tipe | Lugmag |
| Logo | 
|
| Vaandel | 
|
| Rondeel | 
|
| Hoofkwartier | Canberra |
| Opperbevelvoerder | Generaal Sir Peter Cosgrove |
| Hooftitel | Hoof van die Lugmag |
| Hoofnaam | Lugmaarskalk Mel Hupfeld |
| Aantal lede | 14 120 aktiewe personeel 4 273 reserwepersoneel[1] 265 vliegtuie |
| Leuse | Per Ardua ad Astra "Through Adversity to the Stars" |
Die RAAF het aan meeste van die groot konflikte van die 20ste eeu deelgeneem. Gedurende die Tweede Wêreldoorlog het 'n aantal RAAF-bomwerpers, vegters, verkennings- en ander eskaders aanvanklik in Brittanje gedien, en/of die Desert Air Force geleë in Noord-Afrika en die Middellandse See, terwyl die meerderheid later hoofsaaklik ontplooi is in die Suidwes-Stille Oseaangebied.
Duisende Australiërs het ook in ander Statebondslugmagte in Europa gedien. Teen die einde van die oorlog was 'n totaal van 216 900 mans en vroue in diens van die RAAF, van wie 10 562 tydens aksie gesneuwel het.[3]
Verwysings wysig
- ↑ Defence Issues 2014 (PDF). Commonwealth of Australia. p. 29. Besoek op 16 November 2014.
- ↑ "Australian Military Aviation and World War One". Royal Australian Air Force. Geargiveer vanaf die oorspronklike op 30 September 2009. Besoek op 23 April 2010.
- ↑ Eather 1995, p. 18.
| Hierdie artikel is in sy geheel of gedeeltelik vanuit die Engelse Wikipedia vertaal. |
