Konstantyn IX Monomachos
Konstantyn IX Monomachos (Grieks: Κωνσταντῖνος Θ΄ Μονομάχος, Kōnstantinos IX Monomachos; c. 1000 – 11 Januarie 1055), was van 11 Junie 1042 tot 11 Januarie 1055 die keiser van Bisantium. Hy is in 1042 deur keiserin Zoë as man en medeheerser gekies, hoewel hy verban was omdat hy teen haar vorige man, keiser Michael IV die Paflagoniër, saamgesweer het. Hulle het tot met Zoë se dood in 1050 saam regeer en daarna was hy die alleenheerser.
| Konstantyn IX Monomachos | |
|---|---|
| Keiser van die Bisantynse Ryk | |
 ’n Mosaïek van Konstantyn IX in die Hagia Sophia.
| |
| Bewind | 11 Junie 1042 – 11 Januarie 1055 |
| Dinastie | Monomachos-familie (Masedonies deur sy huwelik) |
| Gebore | Omstreeks 1000 Konstantinopel |
| Oorlede | 11 Januarie 1055 (op 54-55) Anatolikon |
| Voorganger | Zoë en Theodora |
| Opvolger | Theodora |
| Medeheersers | Zoë en Theodora |
| Vader | Theodosios Monomachos |
Bewind wysig
Tydens Konstantyn se bewind was die Bisantynse Ryk in oorloë betrokke teen partye soos Kiëf-Roes. In die jaar voor sy dood het die skeuring tussen die Oosters-Ortodokse en Rooms-Katolieke Kerk plaasgevind.
Hoewel Konstantyn deur Zoë se tweede man, Michael IV, verban is, is hy ná Michael se dood aangestel as regter in Griekeland.[1] Intussen was die kwesbare werkverhouding tussen Michael V se opvolgers, Zoë en haar suster, Theodora, aan die verbrokkel. Ná twee maande van toenemende venyn tussen die twee het Zoë besluit om ’n nuwe man te soek om haar suster se toenemende gewildheid en mag te stuit.[2]
Zoë het die aantreklike Konstantyn onthou en hulle is op 11 Junie 1042 getroud. Dit was albei se derde huwelik.[3] Die volgende dag is Konstantyn amptelik as keiser aangewys saam met Zoë en Theodora.
Theodora het ná Zoë se dood in 1050 skynbaar in ’n klooster afgetree. Toe Konstantyn in 1055 sterf, het die 74-jarige Theodora na die troon teruggekeer te midde van sterk teenkanting van hofamptenare en militêre aanspraakmakers. Sy was 16 maande lank ’n sterk keiserin voordat sy skielik siek geword en op 76 dood is. Sy was die laaste Masedoniese heerser.
Verwysings wysig
Bronne wysig
- George Finlay, History of the Byzantine Empire from 716–1057, William Blackwood & Sons, 1853
- Norwich, John Julius (1993), Byzantium: The Apogee, London: Penguin, ISBN 978-0-14-011448-5
Hierdie artikel is vertaal uit die Engelse Wikipedia
