Krios of Kreios (Grieks: Κριός, Κρεῖος) was in die Griekse mitologie een van die Titane, die reusagtige kinders van Uranos (Hemel) en Gaia (Aarde).

Daar is omtrent niks oor Krios bekend nie. Friedrich Solmsen merk in Hermes 117.4 (1989:413-422), bl. 419, op: "Oor Koios en Kreios moet ons erken ons weet niks." Sy metgesel was Eurubia, dogter van Gaia (Aarde) en Pontus (See), en hulle het Astraios, Pallas en Perses gehad. Astraios het by Eos (Daeraad) die kinders Eosforos, die Sterre en die Winde gehad.

Krios is saam met die ander Titane deur Zeus en die ander Olimpiese gode onttroon in die Titanestryd. Ná die oorlog is hy en die meeste van sy broers en susters na Tartaros verban.

Verwysings wysig

Hierdie artikel is merendeels vertaal vanaf die Engelse Wikipedia-artikel en:Crius