Hierdie artikel handel oor die stad in België. Vir die nedersetting in Nederland, sien gerus Leuven, Nederland.

Leuven, Frans: Louvain, Duits: Löwen, is 'n Belgiese stad en munisipaliteit in die Vlaamse provinsie Vlaams-Brabant, waarvan hy ook die hoofstad is. Die munisipale gebied het 102 000 inwoners (2020) en 'n oppervlakte van 57 km². Die stad beskik oor 'n spoorwegstasie wat verbindings na - onder andere -Brussel, Brussel-Lughawe, Mechelen, Luik, Hasselt en Ottignies bied.

Leuven in 1775

Leuven

Kaart Wapen
Vlag
 Land Vlag van België België
 Gewes (deelstaat) Vlaandere
 Provinsie Vlaams-Brabant
 Koördinate 51°12′N 03°13′O / 51.200°N 3.217°O / 51.200; 3.217
 Oppervlak:  
 - Totaal 56,63 vk km
 Bevolking:  
 - Totaal (1 Januarie 2012) 98 017
 - Bevolkingsdigtheid 1686/vk km
 Tydsone UTC +1 (MET)
 Burgemeester Mohamed Ridouani (sp.a)
 Amptelike Webwerf www.leuven.be

Leuven is bekend as 'n studentestad, en hy huisves die oudste universiteit in die Lae Lande, die Katolieke Universiteit Leuven, wat in 1425 gestig is. Die historiese brouery Artois is in 1717 in Leuven gestig. Die huidige nasaat van Artois is die firma Anheuser-Busch InBev wat die grootste brouerygroep ter wêreld vorm, en sy hoofkwartier is steeds in Leuven geleë. Te danke aan die aktiewe studentelewe, en die teenwoordigheid van die brouerye, word daar soms na Leuven as die bierhoofstad van België verwys.

Die stad is nasionaal, en veral onder studente, beroemd as 'n uitgaansplek. Die Oude Markt word dan ook soms De Langste Toog van Europa genoem, verwysend na die feit dat hy deur 'n lang aaneenlopende ry kroeë omring word. Soos in ander Belgiese stede is Donderdagaand gewoonlik die besigste aand vir uitgaan. Dit is as gevolg van die gewoonte van studente om op Vrydagaand vir die naweek na hulle tuisdorpe toe terug te keer.

Kuns en musea wysig

'n Baie interessante museum is die M-museum (Museum van Leuven). Hierdie museum huisves skilderye en kunswerke uit die laat-Middeleeue en die negentiende eeu.

Besienswaardighede wysig

  • Die Stadhuis (1439 - 1463)
  • Die Sint Pieterskerk (1425–1500)
  • Die Grote Markt
  • Die Oude Markt
  • Die Martelarenplein
  • Die Groot Begijnhof

Eksterne skakels wysig