Louis Armstrong
Louis Armstrong Daniel (New Orleans, 4 Augustus 1901 – New York, 6 Julie 1971) was 'n Amerikaanse jazz-trompetspeler, sanger en verhoogkunstenaar. Armstrong se byname was Satchmo en Pops. Hy het die trompet en kornet gespeel en ook gesing. Sy lae, growwe stem is maklik herkenbaar, en hy word as een van die belangrikste jazzmusikante tot nog toe beskou.[1] Hy was in verskeie lande gewild en het baie pryse oor se loopbaan ontvang. Van sy treffers is What a Wonderful World, Hello Dolly en It Takes Two to Tango.
Louis Armstrong | |
|---|---|
 | |
| Agtergrondinligting | |
| Geboortenaam | Louis Armstrong Daniel |
| Gebore | 4 Augustus 1901 New Orleans |
| Sterf | 6 Julie 1971 New York Stad |
| Genres | Jazz |
| Beroep(e) | Trompetspeler, sanger |
| Instrumente | Trompet, kornet |
| Jare aktief | 1919–1971 |
Armstrong het beweer dat hy nie weet wanneer hy gebore is nie, maar sy verjaarsdag op 4 Julie (die Amerikaanse Onafhanklikheidsdag) vier. Hy het sy geboortejaar meestal as 1900 opgegee, maar amptelike dokumente wys dat hy in 1901 gebore is. Sy werklike geboortedag (4 Augustus) is later deur die musiekhistorikus Tad Jones in die Katolieke Kerk se doopregister opgespoor.
Hy is op 6 Julie 1971 in Corona, Queens in New York Stad aan 'n hartaanval oorlede.[2]
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Albin Krebs (7 Julie 1971). "Louis Armstrong, Jazz Trumpeter and Singer, Dies" (in Engels). The New York Times. Geargiveer vanaf die oorspronklike op 9 November 2017. Besoek op 25 Maart 2014.
