Makana Botaniese Tuin

Die Makana Botaniese Tuin (plaaslik bekend as Bots) in Grahamstad is onder beheer van die Rhodes-universiteit.

Die Makana Botaniese Tuin.
Argiefbeeld van die Botaniese Tuin.

Hierdie reservaat lê op Gun Fire Hill en word omring deur die Britse Setlaarsmonument, Fort Selwyn, die Albany Museum en die Greydam. In die reservaat van 60 ha kom inheemse en uitheemse plante van 'n hoë ouderdom voor, veral aalwyne, wildevye en proteas. 'n Deel is 'n park in die tipiese Engelse styl. Elke jaar in Oktober vind hier 'n blommefees plaas.

Hierdie tuin is in 1853 geopen en was die tweede botaniese tuin van die destydse Kaapkolonie. Die opening van die tuin is deur die Kaapse grensoorloë vertraag. Sir Harry Smith en sir George Cathcart was beide gemoeid met die vestiging van die tuin. Na bewering word die spook van Juana, die vrou van sir Harry, soms hier teengekom.

Op 4 Julie 1994 is die tuin tot monument verklaar.

Bibliografie wysig

  • bots.ru.ac.za
  • www.sa-venues.com

Koördinate: 33°18′56″S 26°31′15″O / 33.3156°S 26.5209°O / -33.3156; 26.5209 (Makana Botaniese Tuin)