Malawimeer Nasionale Park

Die Malawimeer Nasionale Park is ’n nasionale park aan die suidpunt van die Malawimeer in Malawi. Dit is die enigste park in die land vir die bewaring van vis en waterhabitats. Dit sluit ook ’n aansienlike deel land in, insluitende verskeie klein eilande in die meer. Dit is ook die tuiste van ander diere, soos bobbejane.

Malawimeer Nasionale Park
Cape Maclear op die oewer van die Malawimeer.
Cape Maclear op die oewer van die Malawimeer.
Land Vlag van Malawi Malawi
Ligging van Malawimeer Nasionale Park op 'n kaart (Malawi)
Malawimeer Nasionale Park
Malawimeer Nasionale Park
Koördinate: 14°2′S 34°53′O / 14.033°S 34.883°O / -14.033; 34.883Koördinate: 14°2′S 34°53′O / 14.033°S 34.883°O / -14.033; 34.883
Oppervlak 94 km²
Openingsjaar 1980


Unesco-wêrelderfenisgebied
Tipe Natuurlik
Kriteria vii, ix, x
Verwysings 86, 1984
Streek† Afrika
Beskrywing* Lake Malawi National Park
Streek soos deur Unesco geklassifiseer.
* Naam soos op die Wêrelderfenislys

Sedert 1934 is woud- en voëlreservate op van die eilande aangelê. In 1972 is die reservate uitgebrei tot die heuwels van Cape Maclear, Mwenya en Nkhudzi. In Monkey Bay is ’n navorsingstasie van die departement van vissery.

Die baie inheemse visspesies maak dit ’n uitstekende voorbeeld van gespesialiseerde evolusie. Sowat die helfte van die land se omtrent duisend spesies kom hier voor, en daarvan is 90% net hier inheems. Die park bevat 30% van alle spesies van die Cichlidae-familie, waarvan die meeste inheems is. Dit is sedert 1984 ’n Unesco-wêrelderfenisgebied.

’n Groot kremetartboom wat volgens oorlewering ouer as 800 jaar is, was glo die gunstelingplek van David Livingstone om te preek en met ander sendelinge te praat. Die grafte van vyf vroeë sendelinge is ook in die park.

Eksterne skakels wysig