Maurits Pasques de Chavonnes

Maurits Pasques de Chavonnes was goewerneur van die Kaap die Goeie Hoop van 1714 tot 1721.[1]

Maurits Pasques de Chavonnes
Maurits Pasques de Chavonnes

4de Goewerneur van die Nederlandse Kaapkolonie
Ampstermyn
28 Maart 1714 – 8 September 1724
Voorafgegaan deur Willem Helot
Opgevolg deur Jan de la Fontaine

Persoonlike besonderhede
Gebore 23 Julie 1654
Den Haag
Sterf 8 September 1724 (op 70)
Kaap die Goeie Hoop

Mauritz Pasque de Chavonnes is in Den Haag gebore in 1654. Hy was die jongste seun van Jeanne de Savornin[2] en Pierre Pasque de Chavonnes, wie se vader, Joachim Pasque, marquis de Chavonnes, uit Frankryk gevlug het na die Bartolomeusnag slagting in 1572. In 1689 trou hy met Bathazarina Kien met wie hy later twee kinders gehad het:Anna Magdalena Pasques De Chavonnes en Pieter Rochus Pasques De Chavonnes.[2] Hy het hom as soldaat opgelei en het gevorder het tot luitenant-kolonel in die infanterie van die State-Generaal. Tydens die Spaanse Opvolgingsoorlog (1701-1713) was Mauritz de Chavonnes in bevel van 'n infanterie regiment in die leër van die Republiek van die Sewe Verenigde Nederlande. Na die Vrede van Utrecht die oorlog tot 'n einde gebring het, het hy by die Verenigde Oos-Indiese Kompanjie aangesluit, wat hom in 1714 as Kaapse goewerneur aangestel in die plek van Louis van Assenburg wat op 27 Desember 1712 te sterwe gekom het.[3]

Binne die eerste paar maande ná sy aankoms aan die Kaap het De Chavonnes die pligte van die garnisoen gereguleer en vir die eerste keer in die Kaapse geskiedenis die soldate uniforms laat dra en 'n stel instruksies uitgevaardig vir onderhoud van gewere en ammunisie.[3] De Chavonnes het ook vir die eerste keer veeboere aan die Kaap vir weilisensies laat betaal: in Julie 1714 het hy en die Politieke Raad besluit dat "alle degeene die permissie sullen komen te versoekken om eenigh land tot weijdingh van vee in leeningh te hebben, in cassa tot een recognitie aan de E. Compe. zullen moeten betalen voor een halv jaar ses, en een heel jaar twaalv rijxdds". Verder moes boere tiendes betaal van alles wat hulle op sulke plase geoes het. Hy het baie vir die ontwikkeling van die vesting gedoen en is in 1721 bevorder tot gewone raadsheer van Indië.

Van sy militêre innovasies het ingesluit die organisasie in 1722 van die sogenaamde Vry-swartes en Sjinese wat in die Tafelvallei gewoon het in 'n burgermag genaamd die Companie Vryswarten onder bevel van hulle eie offisiere. Die kompanjie het met ander burgermagte beurte geneem in die nagtelike bewaking van die barakke.[3]

Hy is in die Kaap oorlede op 8 September 1724 na een dag se siekte en is op 14 September met militêre eerbewys begrawe.[3]

Sien ook wysig

Verwysings wysig

  1. Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
  2. 2,0 2,1 "genealogieonline". Geargiveer vanaf die oorspronklike op 27 September 2007. Besoek op 3 Julie 2007.
  3. 3,0 3,1 3,2 3,3 Die Suid-Afrikaanse Krygshistoriese Vereniging, Governor Mauritz Pasque de Chavonnes and the First Military Uniforms at the Cape, Military History Journal - Vol 6 No 2, Besoek op 3 Junie 2007

Bron wysig

  • 500 Jaar Suid-Afrikaanse Geskiedenis, Prof. CF Muller
Voorafgegaan deur
Willem Helot
Goewerneur van die Kaap de Goede Hoop
28 Maart 17148 September 1724
Opgevolg deur
Jan de la Fontaine