Mayonnaise
Mayonnaise of Mayo[1] is 'n dik, romerige sous wat as kruiery of geurmiddel gebruik word saam met ander voedsel.
Voorbereiding wysig
Dit kan gemaak word van sonneblomolie en eiergele en óf asyn of suurlemoensap, deur die bestanddele goed te emulgeer.[2] Daar is baie opsies vir versiering met ander kruie en speserye. Lesitien in die eier is die emulgator.[3] Mayonnaise wissel in kleur, maar is meestal wit, roomkleurig of liggeel. Dit kan verskil in tekstuur van 'n ligte room tot baie dik.
In lande wat deur die Franse kultuur beïnvloed is, is mosterd ook 'n algemene bestanddeel, maar die toevoeging daarvan verander die sous in 'n "remoulade" met 'n anderse geur. Die mosterd dien as 'n bykomende emulgator.[4][5] In Spanje, Portugal en Italië word olyfolie gebruik, maar sonneblomolie en mosterd word nooit ingesluit nie.
Gebruik wysig
Die voorkeurgebruik is in koue voorbereidings en dit is onontbeerlik in sekere kosse soos tamaties met garnale, Russiese slaai of eier Mimosa en het 'n lang geskiedenis in aartappelslaai.
Die sous word dikwels geëet in kombinasie met gebraaide produkte, soos skyfies, maar kan ook gebruik word as basis van 'n meer komplekse sous. Omrede mayonnaise baie vetterig is en 'n hoë energiewaarde het, gebruik baie mense deesdae produkte wat minder kalorieë bevat. Hierdie produkte word dikwels geadverteer met aanloklike name soos mayo-lyn, mayo-light of yogonnaise.
Bestanddele wysig
Die inhoud van 'n tipiese kommersieelbereide produk in Suid-Afrika is:
- Plantaardige vette (sonneblomsaad) minimum 52%
- Eier
- Water
- Rietsuiker
- Asyn
- Suurreguleermiddel
- Geurmiddels
- Verdikkingsmiddel
- Stabiliseerder of antioksidant
- Preserveermiddels: natriumbensoaat en kaliumsorbaat
- Kleurmiddel
As 'n riglyn, bevat elke 15-gramporsie volgens die etiket:
- Energie: 323 kJ
- Vette: 7.8 g
- Suikers: 1.8 g
- Sout: 0.2 g
Verwysings wysig
- ↑ Merriam-Webster: Mayo. URL besoek op 17 Nov 2011}.
- ↑ "Mayonnaise is an emulsion of oil droplets suspended in a base composed of egg yolk, lemon juice or vinegar, which provides both flavor and stabilizing particles and carbohydrates." On Food and Cooking, Harold McGee, Scribner, New York, 2004, bl. 633.
- ↑ "Science of Eggs: Egg Science" (in Engels). Exploratorium.edu. Geargiveer vanaf die oorspronklike op 14 April 2020. Besoek op 17 November 2011.
- ↑ "Emulsifiers — Experiments". Practical Chemistry. Besoek op 17 November 2011.
- ↑ "Making an Emulsion" (in Engels). Science Project Ideas. 1 Oktober 2010. Geargiveer vanaf die oorspronklike op 30 Oktober 2019. Besoek op 17 November 2011.
