Memel, Vrystaat
- Hierdie artikel handel oor die dorpie in Suid-Afrika. Vir die Duitse naam vir die stad in Litaue, sien Klaipeda.
Memel is 'n dorpie in die Oos-Vrystaat. Dit is vernoem na die hawestad Memel, Oos-Pruise (vandag Klaipėda, Litaue). Die naam in Oud-Pruisies beteken om deur water omring te word. Die dorp is in 1911 gestig.
Memel | |
|---|---|
  Memel Memel se ligging in Vrystaat | |
| Koördinate: 27°41′0″S 29°34′0″O / 27.68333°S 29.56667°OKoördinate: 27°41′0″S 29°34′0″O / 27.68333°S 29.56667°O | |
| Land |  Suid-Afrika |
| Provinsie | Vrystaat |
| Distrik | Thabo Mofutsanyana |
| Munisipaliteit | Phumelela |
| Stigting | 1911 |
| Oppervlak | |
| • Totaal | 11,8 km2 (4,6 vk. myl) |
| Hoogte | 1 720 m (5 640 ft) |
| Bevolking (2011)[1] | |
| • Totaal | 7 142 |
| • Digtheid | 605/km2 (1 570/vk. myl) |
| Rasverdeling (2011) | |
| • Wit mense | 4.8% |
| • Indiërs/Asiërs | 0.3% |
| • Bruin mense | 0.2% |
| • Swart mense | 94.6% |
| • Ander | 0.1% |
| Taal (2011) | |
| • Zoeloe | 63.3% |
| • Sotho | 28.5% |
| • Afrikaans | 3.9% |
| • Engels | 1.1% |
| • Ander | 3.2% |
| Poskode (strate) | 2970 |
| Poskode (posbusse) | 2970 |
| Skakelkode | 058 |
| Webwerf | http://www.memel.co.za |
Die naam Memel is dan ook baie gepas, aangesien die 5 000 hektaar Seekoeivlei-natuurreservaat by die dorp aangetref word. Die Kliprivier vloei in die natuurreservaat. Dié vleiland het internasionale status bereik deur as 'n RAMSAR-gebied geproklameer te word. Seekoeie is onlangs in die reservaat in Seekoeivlei vrygelaat, meer as 100 jaar ná die laaste seekoei hier uitgeskiet is.
Die Seekoeivlei lok jaarliks duisende watervoëls na die gebied, en Memel en omgewing is bekend as 'n paradys vir die groeiende aantal plaaslike en internasionale voëlkykers. Skaars spesies wat hier aangetref word sluit die Blou- en Mahem-kraanvoëls in.