Wikipedia

Michelino da Besozzo

Michelino Molinari da Besozzo (c. 1370 – c. 1455) was 'n noemenswaardige vyftiende eeuse Italiaanse skilder wat wyd geprys was vir sy werk. Hy het meestal in Milaan en Lombardye gewerk, en was in diens van die Visconti familie, te wete die heersers van Milaan. Michelino se werk volg die tradisies van die Lombardiese Skool, en het die Trecento styl gevolg.

Persoonlike lewe wysig

Michelino was in 1388 gebore, en is na 1450 oorlede. Daar word geglo dat daar by name van Michele de Pavia na hom verwys word, aangesien hy in die begin van sy loopbaan in Pavia woonsaam was .[1] Michelino het van 1439 tot en met sy afsterwe in Milaan gewoon, waar hy werksaam was vir die Viscontis, die heersers van Milaan. Toe sy beskermheer, die eerste hertog van Milaan, ( Gian Galeazzo Visconti ) gesterf het en Giovanni Maria Visconti die mag bekom het, het Michelino na Venesië en Vicenza getrek ten einde die moeilike regering van Giovanni te vermy.[2] In Venesië was Michelino in kontak met die skilder Gentile da Fabriano (Gentile di Niccolò di Massio).[3]

Michelino het 'n seun gehad by name van Leonardo, wie ook in dieselfde rigting werksaam was en tussen 1428 en 1488 gewerk het. Leonardo se werk sluit noemenswaardige fresko's in wat steeds in die kerk van Sint Giovanni a Carbonara in Napels Italië gevind kan word.[4]

Loopbaan wysig

 
Michelino Molinari da Besozzo, Huldeblyk vir Giangaleazzo Visconti, 1402-1403, 14.5 x 9.5 in (37.5 x 24 in), Bibliothèque Nationale, ms. lat. 5888, fol. 1, Paris

As 'n vyftiende eeuse Italiaanse kunstenaar van die Lombardiese Skool het Michelino se werk die lineêre vorm van die Internasionaal Gotiese Styl nagevolg, en is dit van 'n abstrakte aard. Tog kom dit as gevolg van die gedetailleerde aard van die kunstenaar se werk as naturalisties voor.[1] Alhoewel min van sy werke oorleef het was Michelino een van die bekendste kunstenaars van sy tydperk, en was hy wyd bewonder en geprys.[5] Oorblywende voorbeelde van Michelino se werk ontken of vermy die klassisistiese styl van die Renaissance en bly eerder getrou aan die meer rigiede vorms van die oudmodiese Gotiese styl van die Proto-Renaissance.[3] Michelino se loopbaan was mees relevant gedurende sy tyd in Milaan waar hy in diens was van die Visconti familie. In Milaan het Michelino groot opdragte ontvang en was hy opmerklik in diens geneem om vensters te ontwerp vir die Visconti’s se katedraal.[3]

Huldeblyk vir Giangaleazzo Visconti wysig

In 1404 het Michelino miniature vir die begrafnis-toespraak van sy beskermheer, Gian Galeazzo Visconti, geskep. Hierdie miniature is nou in besit van die Bibliothèque Nationale in Parys. Die teks van die Huldeblyk vir Giangaleazzo Visctoni was deur die Visconti-hof aangevra en deur 'n Augustiniaanse monnik, Pietro da Castelletto, geskryf.[2] Michelino se illuminasies van die teks sluit delikate kranse van blomme in wat Pietro da Castelletto se teks omring. Michelino se illuminasie bevat ook details soos 'n ere-doek met beide die imperiale en Visconti wapen.[2] Die wapen dien as agtergrond vir 'n toneel van Pietro se huldeblyk wat Giangaleazzo se kroning uitbeeld, uitgevoer deur die Christus Kind, wat groter uitgebeeld word as al die ander figure n die werk.[2] Ander tonele sluit Pietro da Castelletto in terwyl hy Augustiniane van sy preekstoel adresseer. die Huldeblyk vir Giangaleazzo Visconti sluit ook Michelino se illuminasies van 'n voltooide stamboom van die Visconti familie in, welke Michelino definieer deur profiel-daarstellings wat inspirasie put uit Grieks-Romeinse muntstukke en medaljes.[2] Die stamboom spoor die afkoms en geskiedenis van die Visconti familie terug tot by die troue van die Trojaanse prins Anchises en die godin Venus, wat na bewering deur Jupiter uitgevoer was. Michelino verteenwoordig Anchises, Venus, en Jupiter as 15de eeuse Florentynse adel.[2] Die verwysings na oudheid (die antieke tye) impliseer die voorkoms van humanisme by die Visconti-hof, selfs terwyl hulle deur Michelino se werk 'n middeleeuse voorkoms aanneem.[2] Hierdie werk is soortgelyk aan kunswerke van die Huis van Valois in Frankryk, en derhalwe het dit aan die koninklike fokus op die Visconti familie voldoen, asook hul begeerte vir dinastiese mag b.w.v. familiebande.[2] Die gedetailleerde en verfynde aard van die werk en sy ooreenkoms met die werk van die Valois-hof benadruk waarom Michelino se werk so aantreklik was vir die aristokrasie.[2]

 
Sint Lukas Skilder die Maagd, Michelino Molinari da Besozzo, Gebedsboek in Latyn, Milaan, ca. 1420, 170 x 120 mm

Sint Luke Skilder die Maagd wysig

Sint Lukas Skilder die Maagd is 'n illuminasie van 'n klein Latynse gebedeboek van 1420 wat tans in die versameling van die Morgan Library and Museum is. Hierdie gebedeboek bevat die meerderheid van Michelino se bestaande werk, en die teks daarvan, wat uit sewe-en-veertig gebede bestaan, was deur 'n enkele skriba in donkerbruin geskryf.[6] Die boek, wat nou met 19de eeuse satyn verbind is met silwer knippies, sluit twee-en-twintig illuminasies met blomme-grense in. Die helfte van die oorspronklike miniatuur illuminasies is egter nou verlore.[6] Die illuminasie van Sint Lukas Skilder die Maagd, beeld Sint Lukas uit soos hy besig is om die skilder van 'n paneel van die Maagd en Kind te voltooi en is van die eerste Westerse kuns-uitbeeldings van die toneel. Die onderwerp sou later in die 15de eeu en regdeur die restant van die Italiaanse Renaissance meer gewild word, aangesien Sint Lukas die beskermheilige van skilders en skilders-gildes was.[7] Reg deur die 15de, 16de, en 17de eeu het kunstenaars voortgegaan om die artistieke uitbeelding van heiliges te propageer deur Sint Lukas wat die Madonna en Kind skilder uit te beeld. Michelino se weergawe toon Sint Lukas uit in 'n staande posisie soos hy besig is om te werk op 'n paneel met 'n gewel daarop, terwyl die uitbeelding van die toneel in Georgio Vasari se 1565 fresko wat hom in die kerk van Santissima Annuciata bevind, Sint Lukas ten toon stel waar hy 'n portret skilder van 'n ander-wêreldse aansitter, wat ook uitgebeeld word in Vasari se skilderkuns.[8]

 
Michelino da Besozzo, Die Troue van die Maagd, ca. 1430, tempera en goud op hout, 25 5/8 x 18 3/4 in. (65.1 x 47.6 cm), Metropolitan Museum of Art

Volwassenheid wysig

Michelino se 1410 besoek aan Venesië was van uiterste belang tot die gehele ontwikkeling van Venesiaanse skilderkuns in die volgende twee dekades. [5] Beide Venesië en Vicenza het Michelino se delikate styl waardeer en geloof.[2] Ander noemenswaardige werke sluit die Mistieke Troue van Sint Katerina, wat nou geleë is in die Pinacoteca in Siena, in. Hierdie klein skildery beeld die troue tussen Sint Katrina en Christus uit. Die Mistieke Troue van Sint Katrina en die Troue van die Maagd is die enigste twee werke (beide paneel-skilderye) wat definitief toegeskryf kan word aan Michelino.[5] Die Troue van die Maagd word besit deur die Metropolitan Museum of Art in New York Stad; die oppervlak daarvan is nou egter beskadig.[9] Hierdie werk, gemaak van tempera op hout met opgehewe goue ornamentasie beeld 'n bejaarde Josef uit wat 'n ring aan 'n jong en skugter Maagd aanbied.[9] Die humor in die uitdrukkings van die omringende verwerpte mans benadruk Michelino se vaardigheid, deur sy vermoë om beweging in die toneel met uitdrukking te projekteer.[9] Die Troue van die Maagd maak die skareryke komposisie van Michelino se werk na met verligte manuskripte. Verder meer, is die kurwe-lineêre vorme in die werk tekenend van die Internasionaal Gotiese Styl.[5]

Erfenis en belang wysig

Michelino het gedurende sy leeftyd, en ook daarna, baie erkenning vir sy werk en vaardigheid ontvang, en is slegs vandag redelik onbekend omrede so min van sy werke oorleef het. Die Humanis Umberto Decembrio het Michelino “die mees uitgelese kunstenaar van ons tyd.” genoem[5] Tydgenote het na Michelino verwys as die "mees superieure skilder."[7] Verder meer, het die Hertog van Berry 'n agent gestuur om 'n onderhoud met Michelino te voer, wat gerapporteer het dat Michelino “die mees uitstekende skilder tussen al die skilders in die wêreld was.”[2]

Bekendste werke wysig

  • Mistieke Troue van Sint Katrina, 1420 (Pinacoteca, Siena)
  • Sint Lukas Skilder die Maagd (Morgan Biblioteek en Museum, New York)
  • Troue van die Maagd (Metropolitan Museum of Art, New York)
  • Fragment van 'n Koorboek: Christus in Majesteit, 1400 (Cleveland Museum of Art, Cleveland)
  • Huldeblyk vir Giangaleazzo Visconti, 1403 (Bibliothèque Nationale, Parys)

Verwysings wysig

  1. ↑ 1,0 1,1 "BESOZZO, Michelino Molinari da". Oxford Art Online.
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Paoletti, John T. (2006). Art in Renaissance Italy. London: Laurence King Publishing. p. 196.
  3. ↑ 3,0 3,1 3,2 Paoletti, John T. (2006). Art in Renaissance Italy. London: Laurence King Publishing. p. 195. ISBN 978-1856694391.
  4. ↑ Ricci, Corrado (1911). Art in Northern Italy. New York: Charles Scribner's Sons. p. 154.
  5. ↑ 5,0 5,1 5,2 5,3 5,4 The Renaissance in Italy and Spain. New York: The Metropolitan Museum of Art. 1988. p. 31. ISBN 978-0870994326.
  6. ↑ 6,0 6,1 "CORSAIR Online Collection Catalogue" (in Engels). Geargiveer vanaf die oorspronklike op 3 Julie 2017.
  7. ↑ 7,0 7,1 "MS M.944, fol. 75v". The Morgan Library & Museum (in Engels). 5 Desember 2013. Geargiveer vanaf die oorspronklike op 20 April 2017. Besoek op 20 April 2017.
  8. ↑ Pon, Lisa (2015). A Printed Icon in Early Modern Italy: Forlì's Madonna of the Fire. Cambridge: Cambridge University Press. pp. 40–43. ISBN 978-1107098510.
  9. ↑ 9,0 9,1 9,2 "The Marriage of the Virgin | Michelino da Besozzo (Michelino de Mulinari) | 43.98.7 | Work of Art | Heilbrunn Timeline of Art History | The Metropolitan Museum of Art". The Met’s Heilbrunn Timeline of Art History. Besoek op 24 April 2017.

Eksterne skakels wysig

Ontsluit van "https://af.wikipedia.org/w/index.php?title=Michelino_da_Besozzo&oldid=2446162"