NASDAQ
NASDAQ ('n akroniem vir National Association of Securities Dealers Automated Quotations) is 'n elektroniese effektebeurs in die VSA. Dit is deur die National Association of Security Dealers (NASD) in die V.S.A gestig wat dit in 'n reeks transaksies in 2000 en 2001 van die hand gesit het. Dit word tans besit en bestuur deur The Nasdaq Stock Market Inc. wat in 2002 op sy eie beurs genoteer is.
Die NASDAQ is die grootste elektroniese skermgebaseerde elektroniese effektebeurs in die Verenigde State. Meer maatskappye (~3200) is daar genoteer as op enige ander VSA-beurs en daar word daagliks ook meer aandele verhandel as op enige ander mark in die VSA. Die huidige uitvoerende direkteur is Robert Greifeld.
Geskiedenis wysig
Toe daar begin is met aandeleverhandeling op 8 Februarie 1971 was dit die wêreld se eerste elektroniese effektebeurs. Op 17 Julie 1995 het die NASDAQ vir die eerste keer die 1 000 punt merk verbygesteek. Die indeks het sy hoogtepunt van 5132.52 op 10 Maart 2000 bereik, wat dan ook die teken was dat die einde van die Dot-comvoorspoedgolf aangebreek het.
Toe die borrel bars het die indeks die helfte van sy waarde in minder as 'n halwe jaar verloor en staan nog steeds op minder as die helfte van sy waarde tydens sy hoogtepunt. [1] Geargiveer 26 Maart 2006 op Wayback Machine Die NASDAQ bly egter steeds die VSA se grootste elektroniese effektebeurs.
Besigheid wysig
Die NASDAQ laat veelvuldige markdeelnemers toe om handel te dryf oor sy elektroniese kommunikasie netwerkstukture, wat kompetisie verhoog. Die verwerkingstelsel vir klein bestellings is nog 'n kenmerk van die NASDAQ wat in 1984 bekend gestel is om te verseker dat klein bestellings in 'n besige mark nie vergete raak nie maar outomaties verwerk word.
Met ongeveer 3200 maatskappy genoteer, lys dit meer maatskappy en verhandel dit ook meer aandele as enige ander beurs ter wêreld. Die maatskappye daar genoteer is leiers in allerlei besigheidsvelde insluitend tegnologie, kleinhandel, kommunikasie, finansiële dienste, vervoer, media, farmaseuties en biotegnologie.
Eienaars wysig
- Yahoo! (Yahoo!-data)
- NATIONAL ASSOCIATION OF SEC. DEALERS INC.: 30 persent
Markte wysig
Indekse wysig
Die volgende soorte effekte kwalifiseer vir insluiting by die indekse. Daar word nie onderskeid getref tussen die NASDAQ National Market of die NASDAQ SmallCap Market nie en ook nie tussen plaaslike en buitelandse effekte nie.
Klas van Effekte
- American Depositary Receipts (ADRs)
- Common
- Limited Partnership Interests
- Gewone Aandele
- Vaste Eiendom Beleggingstrusts
- Shares of Beneficial Interest (SBIs)
- Tracking Stocks
Die volgende tipes effekte kan nie by die indekse ingesluit word nie: geslote fondse, omskakelbare debenture, omruilbare verhandelde fondse, voorkeuraandele, regte, lasbriewe, eenhede en ander afgeleide sekuriteite.
NASDAQ-100 Indeks wysig
Die NASDAQ-100 Indeks sluit 100 van die grootste (volgens markkapitalisasie) nie-finansiële maatskappye in wat op die NASDAQ genoteer is. Die Indeks dek maatskappye oor hoof industriële sektore wat rekenaarhardeware en -sagteware, telekommunikasie, klein- en groothandel en biotegnologie insluit. Dit sluit geen finansiële maatskappye in nie. Die NASDAQ-100 indeks word bereken volgens 'n kapitalisasie geweegde metode.
Op 31 Januarie 1985 het die NASDAQ-100 Indeks begin vanaf 'n basis van 250.00. Op 1 Januarie 1994 is die NASDAQ-100 basis herset na 125.00 deur dit met 'n faktor van 2.00 te deel.
NASDAQ Finansiële-100 Indeks wysig
Die NASDAQ Finansiële-100 indeks sluit 100 van die grootste finansiële maatskappye in wat op die NASDAQ effektebeurs genoteer is. Hulle sluit in maatskappye wat deur die ICB (Industry Classification Benchmark) geklassifiseer word as Finansiële maatskappye wat ook ingesluit is by die NASDAQ Bank, Versekering en ander Finansiële indekse.
Op 31 Januarie 1985 het die NASDAQ Finansiële-100 Indeks begin vanaf 'n basis van 250.00 punte.
NASDAQ Saamgestelde Indeks wysig
Die NASDAQ Saamgestelde Indeks meet al die plaaslike en buitelandse aandele wat op die NASDAQ beurs genoteer is. Vandag sluit die NASDAQ Saamgestelde Indeks meer as 3000 maatskappye in. Omdat dit so 'n breë basis het, is dit een van die groot markindekse wat die meeste aangehaal word.
Op 5 Februarie 1971 het die NASDAQ Saamgestelde Indeks afgeskop met 'n basis van 100.00 punte.
NASDAQ Nasionale Mark Saamgestelde Indeks wysig
Die NASDAQ Nasionale Mark Saamgestelde Indeks is 'n onderafdeling van die NASDAQ Saamgestelde Indeks en bestaan uit al die maatskappye wat in die op die Nasionale Mark groep van die NASDAQ genoteer is.
Op 10 Julie 1984 het die NASDAQ Nasionale Mark Saamgestelde Indeks vanaf 'n 100.00 basispunte afgeskop.
NASDAQ-bankindeks wysig
Die NASDAQ-bankindeks sluit die NASDAQ genoteerde maatskappye in wat volgens die ICB as banke geklassifiseer is. Hulle sluit banke in wat 'n wye reeks finansiële dienste aanbied met 'n groot kleinhandelsbank- en geldwisselaarskomponent insluit.
Op 5 Februarie 1971 het die NASDAQ Bank Indeks met 100.00 basispunte afgeskop.
NASDAQ Biotegnologie Indeks wysig
Die NASDAQ Biotegnologie indeks bevat maatskappye wat volgens die ICB as biotegnologies of farmaseuties geklassifiseer is. Die NASDAQ Biotegnologie Indeks word bereken volgens 'n kapitalisasie geweegde metode.
Op 1 November 1993 het die NASDAQ Biotegnologie Indeks met 200.00 basispunte afgeskop.
NASDAQ-rekenaarindeks wysig
Die NASDAQ-rekenaarindeks bevat NASDAQ genoteerde maatskappye wat volgens die ICB as Rekenaarhardeware verskaffers, Halfgeleierkomponentvervaardigers asook Sagteware en Rekenaardiensteverskaffers geklassifiseer is. Hulle sluit ondernemings in wat rekenaars en verwante elektroniese dataproseseringstoerusting vervaardig, halfgeleierkapitaaltoerusting, vervaardigers en verskaffers van silikonskywe en geïntegreerde stroombane, verskaffers van rekenaardienste en IT konsultante, Internet toegangverskaffers, internet sagteware-ontwikkelaars en aanlyn diensteverskaffers asook vervaardigers en verspreiding van internetsagteware en internet diensteverskaffers.
Op 1 November 1993 het die NASDAQ Rekenaarindeks afgeskop met 200.00 basispunte.