Necrolestes

Necrolestes; Tydperk: 18–16 m. jaar gelede Ps Es Os Ms Pl Ps
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Superorde:	Dryolestoidea (?)
Orde:	Meridiolestida
Binomiale naam
	Necrolestes patagonensis; Ameghino 1891

Necrolestes patagonensis (Ameghino) is 'n fossiele soogdierspesie uit Patagonië (Argentinië) wat die eerste keer in 1891 beskryf is. Dit kom uit die vroeë Mioseen van 16 miljoen jaar gelede.^[1]

Beskrywing wysig

Die skedel toon 'n wipneus, en hy het sterk voorpote en kort, breë beendere, wat ooreenkom met 'n dier wat graaf. Necrolestes het waarskynlik wurms en insekte gevreet soos molle vandag doen. Die diertjie lyk soos Afrika se gouemol of die buidelmolle wat vandag in Australië aangetref word.^[2] Necrolestes het nes die gouemol 'n 'derde been' in sy voorpoot. Dis eintlik 'n sening wat verkalk is. Necrolestes en die gouemol is nogtans nie nouverwant nie en dit is dalk 'n voorbeeld van konvergente evolusie omdat altwee dieselfde grawende lewenswyse het. Necrolestes was taamlik klein en het sowat 'n gewig van 80-120 g gehad, die skedel was 2 cm en kop-liggaam ongeveer 15 cm lank.^[3]

Taksonomie wysig

Daar is lank getwyfel of hulle plasentale soogdiere of buideldiere is. Rougier et al. toon nogtans dat hulle geen tribosfeniese Theria is nie. Hulle is -soos die eendbekdier vandag- nog buideldiere nog plasentale soogdiere. Necrolestes se skedel het ooreenkomste met Cronopio dentiacus s'n. Hulle het altwee kiestande wat net een wortel het, wat uitsonderlik is vir 'n soogdier.^[4] Cronopio is nogtans uit die Paleoseen, wat Necrolestes 'n 'lasarus-spesie' maak. Necrolestes wat 45 miljoen jaar later geleef het as Cronopio word beskou as die laaste oorlewendes van 'n tak van die soogdiere wat Meridiolestida genoem word en in die Kryt en die Paleoseen 'n belangrike onderdeel van Suid-Amerika se dierewêreld gewees het. Die Meridiolestida word dikwels as onderdeel van die Dryolestoidea beskou, maar Rougier dink dat hulle effens nouer aan die Theria verwant is. 'n Vereenvoudigde kladogram sien so uit:^[1]

Mammalia

Monotremata (eendbekdier ens.)

Dryolestoidea

Meridiolestida → Necrolestes

	Metatheria (buideldiere)

	Eutheria (hoër soogdiere)

Galery wysig

Onderkaak
Necrolestes en Neoreomys, verslae van die Princeton-universiteit se ekspedisie na Patagonië, Mei 1903

Verwysings wysig

↑ ^1,0 ^1,1 The Miocene mammal Necrolestes demonstrates the survival of a Mesozoic nontherian lineage into the late Cenozoic of South America Guillermo W. Rougier, John R. Wible, Robin M. D. Beck, Sebastian Apesteguía Proc Natl Acad Sci U S A. 2012 Dec 4; 109(49): 20053–20058..
↑ Daar is selfs gedink dat die Australiese buidelmolle self lewende Meridiolestida is, maar dit is nie ná peer review verskyn nie en taamlik omstrede.
↑ Horned Armadillos and Rafting Monkeys: The Fascinating Fossil Mammals of South America Darin A. Croft, beelde: Velizar Simeonovski, Indiana University Press, 2016, ISBN 0-253-02094-8, ISBN 978-0-253-02094-9, bls 123
↑ "Evolution institute" (in Engels). Geargiveer vanaf die oorspronklike op 3 Desember 2016.

Eksterne skakels wysig

Wikimedia Commons het meer media in die kategorie Necrolestes.

[Rougier-1] 1,0 ^1,1 The Miocene mammal Necrolestes demonstrates the survival of a Mesozoic nontherian lineage into the late Cenozoic of South America Guillermo W. Rougier, John R. Wible, Robin M. D. Beck, Sebastian Apesteguía Proc Natl Acad Sci U S A. 2012 Dec 4; 109(49): 20053–20058..

[2] Daar is selfs gedink dat die Australiese buidelmolle self lewende Meridiolestida is, maar dit is nie ná peer review verskyn nie en taamlik omstrede.

[3] Horned Armadillos and Rafting Monkeys: The Fascinating Fossil Mammals of South America Darin A. Croft, beelde: Velizar Simeonovski, Indiana University Press, 2016, ISBN 0-253-02094-8, ISBN 978-0-253-02094-9, bls 123

[4] "Evolution institute" (in Engels). Geargiveer vanaf die oorspronklike op 3 Desember 2016.

[1]

[2]

[3]

[4]