Noordelike stompkoppie

Die noordelike stompkoppie (Petrocephalus catostoma) is 'n varswatervis wat in die Okavango-, Kunene- en Zambeziriviere en die Saverivier voorkom. Buite Suider-Afrika kom hulle in die Kongorivier-stelsel en die Malawi-, Tanganjika- en Victoriamere voor. In Engels staan die vis bekend as die Northern Churchill.

Noordelike stompkoppie
'n Noordelike stompkoppie
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
Genus:
Spesie:
P. catostoma
Binomiale naam
Petrocephalus catostoma
(Günther, 1866)

Voorkoms wysig

Die vis se lyf is ovaalvormig en die dorsale vin is kleiner as die anale vin terwyl die stertvin gevurk is met ronde punte. Die kop is rond en die bek is klein. Die vis se kleur wissel van silwer tot donkerbruin met die onderkant wat ligter is. Die vis word tot 130 mm lank.

Habitat wysig

Die vis leef in skole saam in die stiller gedeeltes van riviere en vloedvlaktes en vreet inseklarwes en ander klein ongewerweldes. Hulle broei gedurende die reënseisoen en beweeg vermoedelik stroomop om te broei. Beide geslagte is territoriaal van aard. Die vis word deur bestaansvissers gevang.

Sien ook wysig

Bron wysig

Eksterne skakel wysig