Ongeklassifiseerde tale
'n Ongeklassifiseerde tale is 'n taal waarvan sy genetiese verwantskap aan ander tale nog nie bekend is nie. Tale kan uit verskeie redes ongeklassifiseerd wees, meestal weens die gebrek aan betroubare inligting,[1] maar soms ook weens die verwarrende invloed van taalkontak, as verskeie lae van sy woordeskat of morfologie uiteenlopend is en dit vervolgens onduidelik is wat aan die oorspronklike weergawe van die taal behoort.[2] Sommige van die min bekende uitgestorwe tale soos Guties en Cacán kan net nie geklassifiseer word nie en dit is onwaarskynlik dat dit hoegenaamd nog sal gebeur.
As 'n taal se genetiese verwantskap selfs na 'n groot navorsing geen genetiese verwantskap met ander tale toon nie, soos dit die geval met Baskies is, word dit as 'n geïsoleerde taal beskou – dit word dus as 'n taalfamilie op sy eie geklassifiseer. 'n "Ongeklassifiseerde taal" is derhalwe 'n taal wat as deel van 'n bestaande taalfamilie geklassifiseer kan word sodra beter gegewens beskikbaar of meer deeglike vergelykende navorsing gedoen is. Uitgestorwe ongeklassifiseerde tale waarvan min inligting behoue gebly het, sal waarskynlik nooit van status verander nie, tensy verlore dokumente of 'n oorlewende sprekende bevolking van die taal ontdek word.
Verwysings wysig
- ↑ (en) Hasnain, Imtiaz (16 Julie 2013). Alternative Voices: (Re)searching Language, Culture, Identity …. Cambridge Scholars Publishing. p. 314. ISBN 978-1-4438-4998-2.
- ↑ (en) Muysken, Pieter (2008). From Linguistic Areas to Areal Linguistics. John Benjamins Publishing. p. 168. ISBN 9027231001.
Eksterne skakels wysig
- (en) "Ethnologue: Languages of the World, Seventeenth edition, Unclassified". Ethnologue. Besoek op 21 Augustus 2020.
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |