Oud-Permiese alfabet

Die Oud-Permiese alfabet, ook Aboer of Anboer genoem, is ’n "hoogs idiosinkratiese aanpassing" [1] van die Cyrilliese alfabet wat gebruik is vir die skryf van Middeleeuse Komi (Permies).

Oud-Permiese alfabet
Soort skryfstelsel   Alfabet
Tyd gebruik 1372-1600's
Rigting Links na regs
Tale Komi
Stelsels
Moederstelsels
ISO 15924 Perm, 227
Unicode U+10350–U+1037F

Finaal aanvaarde voorstel

Nota
Hierdie bladsy kan fonetiese IFA-simbole of letters uit ander alfabette bevat
Portaal  Portaalicoon   Skryfstelsels

Geskiedenis wysig

Die alfabet is in 1372 ontwerp deur ’n Russiese sendeling, Stepan Chrap, ook bekend as sint Stefanus van Perm. Die naam "Aboer" of "Anboer" is afgelei van die eerste twee letters van die alfabet, An en Boer. Die alfabet is ’n aanpassing van die Cyrilliese en Griekse alfabet en stamtekens van die Komi-volk wat baie soos runes gelyk het omdat hulle uitgekerf eerder as geskryf is.

Die alfabet is tot in die 17de eeu gebruik, toe dit deur die Cyrilliese alfabet vervang is. 26 April, die dag van sint Stefanus van Perm, word gevier as Dag van die Oud-Permiese Alfabet.

Betekenis wysig

Die Aboer-inskripsies is van die oudstes in die Oeraalse tale. Die enigste ouer inskripsies is Hongaarse dokumente, eers in die Oud-Hongaarse skrif en later in die Latynse alfabet.

Sien ook wysig

Geskiedenis van die alfabet

Verwysings wysig

  1. Bernard Comrie, 1996. "Adaptations of the Cyrillic Alphabet". In Daniels & Bright, The World's Writing Systems, p. 700.

Eksterne skakels wysig