Palmiet
Palmiet (Prionium serratum (L.f.) Drège ex E.Mey.) is 'n riet of biesiesoort wat in die riviere en vleie van die Wes-Kaap tot by Uitenhage groei. Dit is endemies aan Suid-Afrika. Palmiet kom in kusfynbos en Albanie-ruigte tot Grahamstad in die Oos-Kaap asook in die kusstreek van die Indiese Oseaan tussen Port St. Johns en die suide van KwaZulu-Natal voor. Veral in KwaZulu-Natal is dit afnemend omrede dit vir mediese doeleinde geoes word en dikwels aan oorbeweiding en veldbrande blootstaan. Op die SANBI-rooilys is dit as 'afnemend' ('declining') gelys.[1]
| Palmiet | |
|---|---|
| |
| Prionium serratum, deur Walter Hood Fitch (1868) | |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eensaadlobbiges |
| Klade: | Commelinids |
| Orde: | Poales |
| Familie: | Thurniaceae |
| Genus: | Prionium |
| Spesie: | P. serratum
|
| Binomiale naam | |
| Prionium serratum (L.f.) Drège (1843)
| |
| Sinonieme | |
| |
Die naam palmiet is as 'wilde palmit' reeds deur Jan van Riebeeck hieraan gegee. Die plant word tot 2 meter hoog. Die blare word gebruik vir weefwerk. Hierdie stewige immergroene struik het 'n stam wat 5 -10 cm breed kan word en 'n wortelstok. Die blare is styf en lansvormig, liggrysgroen van kleur en het getande rande. Hulle groei spiraalvormig die stam langs. Die bloeiwyse is vertak en kan 50 cm lank word. Die blomme is klein en bruin.
Die jong blomskeute kan voordat hulle bloei afgebreek en as groente geëet word. Die plant speel 'n belangrike ekologiese rol in die riviere en hul mondings. Dit beskerm oewers teen erosie en stabiliseer die rivierbedding.[2]
Die boom se FSA-nommer is 768.[3]
Fotogalery wysig
-
Palmiet op die Bloukransrivier (Tuinroete) -
Palmiet van nader beskou -
'n Blaar -
Sade
Sien ook wysig
Verwysings wysig
- ↑ "SANBI" (in Engels). Geargiveer vanaf die oorspronklike op 18 Junie 2019.
- ↑ "PlantZAfrica" (in Engels). Geargiveer vanaf die oorspronklike op 1 Julie 2016. Besoek op 7 Januarie 2017.
- ↑ https://www.treetags.co.za/national-list-of-indigenous-trees/
Bronne wysig
Eksterne skakels wysig
Wikimedia Commons het meer media in die kategorie Palmiet.
Wikispecies het meer inligting verwant aan Palmiet
