Die Panavia Tornado is 'n familie van tweemotorige, veranderbare-vlerkswiep vegvliegtuie, wat gesamentlik ontwikkel en vervaardig is deur Italië, die Verenigde Koninkryk en Wes-Duitsland. Daar is drie primêre Tornado variasies; die Tornado IDS vegter-bomwerper, die onderdrukker van vyandelike lugverdediging Tornado ECR (elektroniese bestryding/verkenning) en die Tornado ADV (lugverdedigingvariant) onderskepvliegtuig.

Panavia Tornado
'n Panavia Tornado van die Duitse Luftwaffe
Tipe Multidoel/aanvalsvegter
Vervaardiger Panavia Tornado
Nooiensvlug 14 Augustus 1974
Vrygestel 1979
Status Gestaak
Hoofgebruikers Britse Koninklike Lugmag
Italiaanse Lugmag
Duitse Lugmag
Koninklike Saoedi Lugmag
Vervaardig 1979–1998
Aantal gebou 992

Die Tornado is ontwikkel en gebou deur Panavia Aircraft GmbH ('n konsortium van drie lande) bestaande uit British Aerospace (voorheen British Aircraft Corporation), MBB van Wes-Duitsland, en Aeritalia van Italië. Sy nooiensvlug was op 14 Augustus 1974 en is in diens gestel in 1979-80. Sy veeldoelige rol stel dit in staat om verskillende vlote van vliegtuie te vervang tydens die aankoopproses van kontraklugmagte. Die Koninklike Saoedi Lugmag is die enigste uitvoeroperateur van die Tornado, bykomend tot die drie oorspronklike vennootnasies. 'n Drie-nasie opleiding- en evalueringseenheid wat vanaf RAF Cottesmore opereer, die Drienasies-Nasionale Tornado Opleidingsinstelling, het 'n vlak van internasionale samewerking tydens die produksiefase onderhou.

Die Tornado is deur die Britse Lugmag, Italiaanse Lugmag en Koninklike Saoedi Lugmag tydens die Golfoorlog in 1991 gebruik, waarin die Tornado vele lae-hoogte indringende aanvalsmissies voltooi het. Die Tornado's van verskeie lugmagte is ook gebruik in konflikte in die voormalige Joego-Slawië tydens die Bosniese oorlog en Kosovo-oorlog, die oorlog in Irak, Libië tydens die Libiese burgeroorlog, sowel as kleiner rolle in Afghanistan en Jemen. Daar is 992 vliegtuie van al die variante gebou.

Sien ook wysig

Verwysings wysig


Hierdie artikel is in sy geheel of gedeeltelik vanuit die Engelse Wikipedia vertaal.