Penny Heyns

Suid-Afrikaanse swemmer

Penelope ("Penny") Heyns OIS (gebore 8 November 1974 in Springs) is 'n voormalige Suid-Afrikaanse swemster wat bekendheid verwerf het as die enigste vrou in die geskiedenis van die Olimpiese Spele wat beide die 100 m en 200 m borsslagitems tydens die Olimpiese Spele in 1996 in Atlanta gewen het. Dit het haar die eerste Suid-Afrikaanse gouemedaljewenner na apartheid gemaak, met die hertoelating van Suid-Afrika tot die Spele in 1992. Vier jaar later wen sy 'n bronsmedalje by die Olimpiese Spele van 2000 in Sydney. Saam met die Australiese kampioen Leisel Jones is Heyns as een van die beste borsslagswemmers beskou.[1]

Penny Heyns
Penny Heyns in 2015 in Times Square, New York (2015)
Gebore
Penelope Heyns

8 November 1974 (1974-11-08) (49 jaar oud)
NasionaliteitVlag van Suid-Afrika Suid-Afrika
BeroepSwemmer
Penny Heyns
Medaljes gewen
Swem – vrouens
Deelnemer vir Vlag van Suid-Afrika Suid-Afrika
Olimpiese Spele
Goud 1996, Atlanta 100 m-borsslag
Goud 1996, Atlanta 200 m-borsslag
Wêreldbeker-reeks vir kort baddens
Silwer 1999, Hongkong 50 m-borsslag
Silwer 1999, Hongkong 100 m-borsslag
Silwer 1999, Hongkong 200 m-borsslag
Pan-Pasifiese Spele
Goud 1995, Atlanta 100 m-borsslag
Goud 1999, Sydney 100 m-borsslag
Goud 1999, Sydney 200 m-borsslag
Silwer 1995, Atlanta 200 m-borsslag
Silwer 1997, Fukuoka 100 m-borsslag
Statebondspele
Goud 1994, Victoria 100 m-vryslag

Sportloopbaan wysig

Heyns het op 'n jong ouderdom begin swem en goeie vaardighede getoon. Haar swem was buitengewoon en het haar gehelp om 'n beurs by die Universiteit van Nebraska in die Verenigde State te bekom.[2]

Sy was die jongste lid van die Suid-Afrikaanse span by die Olimpiese Spele in 1992 in Barcelona. Sy was ook 'n lid van die Suid-Afrikaanse span by die Statebondspele van 1994, waar sy 'n bronsmedalje in die 200 m borsslagitem gewen het.

Heyns het in Maart 1996 vir die eerste keer die wêreldrekord in die 100 m borsslag vir vroue in Durban gebreek. Sy was in 1996 weer deel van die Suid-Afrikaanse Olimpiese span in Atlanta waar sy die goue medalje gewen het in die 100 m borsslag en die wêreldrekord verbeter het. Sy het ook die goue medalje vir die 200 m borsslag gewen en die Olimpiese rekord daarin verbeter. Dit het haar die enigste vrou in die geskiedenis van die Olimpiese Spele gemaak om albei die 100- en 200 meter borsslagitems te wen. Gedurende die 1998 Goodwill Games in New York het Heyns die wêreldrekord in die 50 m borsslag vir vroue opgestel.

In 1999 het Heyns in drie maande elf wêreldrekords verbeter, wat op drie verskillende kontinente by byeenkomste geswem is. Dit het haar die gelyktydige houer van vyf uit die moontlike ses borsslagrekords gemaak, 'n prestasie wat nog nooit in die geskiedenis van swem herhaal is nie.

Sy was 'n lid van die Suid-Afrikaanse Olimpiese span by die Olimpiese Spele in 2000 in Sydney waar sy 'n bronsmedalje in die 100 m borsslagitem gewen het.

Heyns het in 2001 uitgetree uit kompeterende swem. Sy is 'n sakevrou, openbare- en motiveringspreker, en televisieaanbieder. Sy het haar outobiografie in 2004 geskryf. Daar is 'n swembad in in Sasolburg wat is vernoem na haar.

Verwysings wysig

  1. "Today in History: Penny Heyns wins gold at 1996 Olympics". Roodepoort Northsider (in Engels). 23 Julie 2018. Geargiveer vanaf die oorspronklike op 27 April 2020. Besoek op 15 Desember 2018.
  2. jonas (19 Julie 2012). "South African swimmer, Penny Heyns, wins a gold Medal at Atlanta Olympics". South African History Online (in Engels). Geargiveer vanaf die oorspronklike op 28 Julie 2014. Besoek op 15 Desember 2018.

Eksterne skakels wysig