Die pensstreep-tuna (Katsuwonus pelamis) is 'n roofvis wat rondom die wêreld voorkom in water wat warmer as 19 °C is. In Engels staan die vis bekend as die Skipjack.

Pensstreep-tuna
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Actinopterygii
Orde: Scombriformes
Familie: Scombridae
Subfamilie: Scombrinae
Tribus: Thunnini
Genus: Katsuwonus
Kishinouye, 1915
Spesie:
K. pelamis
Binomiale naam
Katsuwonus pelamis
(Linnaeus, 1758)
Sinonieme
  • Euthynnus pelamis (Linnaeus, 1758)
  • Katsuwonus vagans (Lesson, 1829)
  • Scomber pelamys Linnaeus, 1758
  • Scomber pelamis Linnaeus, 1758
  • Thynnus vagans Lesson, 1829

Voorkoms wysig

Die pensstreep-tuna het 'n kort en amper vaatjieronde lyf. Die rugvin is blouswart terwyl die sye silwerblou is met die pens wit. Daar is swart strepe op die pens van die pensstreep-tuna. 'n Gemiddelde grootte vis weeg 3 tot 4 kg terwyl die Suid-Afrikaanse hengelrekord net onder die 10 kg is.

Habitat en gewoontes wysig

Die vis verkies die oop see met watertemperatuur van tussen 19° en 30 °C. Hulle is baie sensitief vir veranderinge in die soutkonsentrasie van die seewater en vermy dele met 'n lae soutgehalte. Die vis leef saam in skole. Hulle swem en vreet net onder die oppervlakte van die see. Hulle vreet ansjovis, klein vissies, garnale en ander plankton.

Visserye wysig

 
Bevrore tuna word verwerk in the Tsukiji vismark in Tokio.

Dit is 'n gewilde kommersiële en eetvis, wat gewoonlik met ringnette vanaf bote gevang word, en word vars, bevrore, ingemaak, gedroog, gesout en gerook verkoop. In 2018 is vangste van 3,2 miljoen ton aangemeld, die derde hoogste van enige visvangste (naas Peruaanse ansjoveta en Alaska pollock).[2] Lande wat groot hoeveelhede vangste van pensstreep-tuna aanteken, sluit die Maldive, Frankryk, Spanje, Maleisië, Sri Lanka en Indonesië in.[3]

Pensstreep-tuna (skipjack) is die mees vrugbare van die belangrikste kommersiële tuna, en hul bevolking word as volhoubaar beskou teen die huidige menslike verbruik.[4][5]

Sien ook wysig

Verwysings wysig

  1. Collette, B.; Acero, A.; Amorim, A.F.; et al. (2011). "Katsuwonus pelamis". IUBN-rooilys van bedreigde spesies. 2011: e.T170310A6739812. doi:10.2305/IUCN.UK.2011-2.RLTS.T170310A6739812.en.
  2. "The State of World Fisheries and Aquaculture 2020". fao.org. Food and Agriculture Organization. Geargiveer vanaf die oorspronklike op 4 Maart 2022. Besoek op 8 Maart 2022.
  3. Makoto Miyake; Naozumi Miyabe; Hideki Nakano (2004). Historical trends of tuna catches in the world. FAO Fisheries Technical Paper No. 467. Rome: Food and Agriculture Organization of the United Nations.
  4. "FishWatch: Atlantic Skipjack Tuna (Katsuwonus pelamis)". NOAA.gov. National Oceanic and Atmospheric Administration. 3 November 2009. Besoek op 12 November 2009.
  5. "Skipjack tuna, purse seine caught". blueocean.org. Blue Ocean Institute. 11 November 2009. Geargiveer vanaf die oorspronklike op 13 Junie 2010. Besoek op 12 November 2009.

Bronne wysig

Eksterne skakel wysig