Perindopril

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Perindopril

Algemeen

Chemiese formule	C₁₉H₃₂N₂O₅
Molêre massa	368.468 g/mol
Voorkoms	wit, kristallyn
CAS-nommer	82834-16-0
Farmakokinetika
Biobeskikbaarheid	24%
Proteïengebonde	20%
Metabolisme/uitskeiding	Niere
Eliminasie-halfleeftyd	1–17 uur vir perindoprilaat (aktiewe metaboliet)

Farmakologiese werking wysig

Perindopril is 'n langwerkende AOE-remmer. Dit word gebruik om hoë bloeddruk, hartversaking of stabiele hartvatsiekte te behandel^[1]

Vorm en samestelling wysig

Volgens data deur die vervaardiger aan die Australiese Departement van Gesondheid en Veroudering verskaf, is perindopril arginien (handelsnaam Coversyl) en perindopril erbumien (handelsnaam Aceon) terapeuties ekwivalent aan mekaar en mag hulle uitgeruil word sonder enige merkbare verskil in kliniese effek.^[2] Die voorgeskrewe dosis sal egter verskil omrede die molekulêre massa verskil vir die twee vorme (soute). In Suid-Afrika word perindopril erbumien gewoonlik as "perindopril tersiêre butielamin" verkoop onder die handelsname Ran-Perindopril en Circator onder andere.

Aanwysings wysig

Essensiële hipertensie.
Stabiele hartvatsiekte: afname in hartaanvalle in pasiënte met 'n geskiedenis van miokardiale infarksie.
Behandeling van simptomatiese hartsiekte of hartversaking.

Dosis en toediening wysig

Perindopril, as behandeling vir hipertensie, se aanvangsdosis is 5 mg perindopril arginien (of 4 mg perindopril erbumien) eenkeer per dag. Na 'n maand se behandeling, kan die dosis vermeerder word tot 10 mg perindopril arginien (of 8 mg perindopril erbumien) om bloeddruk beter te beheer in geval van gelyktydige stabiele hartvatsiekte.

'n Proefneming, die Anglo-Scandinavian Cardiac Outcomes Trial (ASCOT), het die voordele daarvan bewys om twee middels, perindopril en amlodipien ('n kalsiumkanaalblokker), saam te neem. 9000 Britse proefpasiënte tussen 40 en 79 oud is in 'n vyfjaarlange proefneming betrek. Die nuwe geneesmiddelkombinasie is aan die helfte van hulle toegedien, en die res het tradisionele geneesmiddels ontvang. Daar is toe bevind dat Coversyl en amlodipien so effektief is, dat die proefneming vroegtydig gestaak is sodat die ander helfte ook die nuwe kombinasie kon ontvang.^[3]^[4]

Vir stabiele hartvatsiekte wysig

'n Aanvangsdosis van 4 mg vir twee weke word aanbeveel, daarna opwaartse titrasie tot 8 mg eenkeer per dag, afhangend van die aanvaarding daarvan.

Kongestiewe hartversaking wysig

Behandeling hiervoor met perindopril behoort onder streng mediese toesig ingestel te word teen 'n aanvangsdosis van 2 mg daagliks. Hierna mag dit verhoog word tot 4 mg sodra die bloeddruk gestabiliseer het.

Bejaarde pasiënte behoort aanvanklik 2 mg daagliks te neem.

Teenaanwysings wysig

Kinders
Swangerskap en borsvoeding
Geskiedenis van hipersensitiwiteit teenoor perindopril
Nierversaking

Voorsorgmaatreëls wysig

Nierfunksie behoort voor en tydens behandeling bepaal en beoordeel te word.
Renovaskulêre hipertensie.
Sjirurgie/narkose.

Newe-effekte wysig

Ongewoon en lig, gewoonlik aan die begin van behandeling:

hoes
moegheid
hoofpyn
slaap- en gemoedsteurnisse

Minder gereeld:

smaakverlies
maagongemak
naarheid
abdominale pyn
uitslag

Samestelling wysig

Elke tablet bevat 2 mg, 4 mg of 8 mg van die tert-butylamiensout van perindopril.

Perindopril is ook beskikbaar as Coversyl Plus, bevattende 5 mg perindopril arginien gekombineer met 1.25 mg indapamied.

Aanbieding wysig

Lugdig-verseelde pakkies van 30 gekeepte tablette Coversyl (perindopril) 4 mg. Houers van 30 tablette Coversyl (perindopril) 10 mg.

Ook wêreldwyd beskikbaar onder die volgende handelsname:

Aceon
Acertil
Actiprex
Armix
Coverene
Coverex
Coversum
Prestarium
Prexanil
Prexum
Procaptan
Provinace
Covinace
Pericard
Perinda
Spec-Perindopril

Verwysings wysig

Bounhoure JP, Bottineau G, Lechat P, et al.. "Value of perindopril in the treatment of chronic congestive heart failure: multicentre double-blind placebo-controlled study." Clin Exp Hypertens. 1989;A11(suppl 2):575-586.
Lechat P, Granham SP, Desche P, et al.. "Efficacy and acceptability of perindopril in mild-to-moderate chronic congestive heart failure." Am Heart J. 1993;126:798-806.
Morgan T and Anderson A; "Clinical efficacy of perindopril in hypertension." Clin Exp Pharmacol Physiol. 1992;19:61-65.
Myers MG; (on behalf of the perindopril multicentre dose-response study group) "A dose-response study of perindopril in hypertension: effects on blood pressure 6 and 24h after dosing." Can J Cardiol. 1996;12:1191-1196.
"The European trial On reduction of cardiac events with Perindopril in stable coronary Artery disease Investigators. Efficacy of perindopril in reduction of cardiovascular events among patients with stable coronary artery disease: randomized, double-blind, placebo controlled, multicentre trial (the EUROPA study)." The Lancet 2003;362:782-788.

↑ Royal Australian College of General Practitioners. "Consumer Medicine Information, GenRx Perindopril" (PDF). Clinical Resources, Medicine information for health professionals. Geargiveer vanaf die oorspronklike (PDF) op 1 September 2007. Besoek op 23 September 2013.
↑ Australian Government Department of Health and Ageing (2008). "PBS For Health Professionals". Pharmaceutical Benefits Scheme. Geargiveer vanaf die oorspronklike op 30 Oktober 2008. Besoek op 4 September 2008.
↑ Charlotte Harding (2005). "What you need to know about the new wonder drug cocktail for high blood pressure..." JADN Repository (in Engels). Geargiveer vanaf die oorspronklike op 15 Mei 2019. Besoek op 1 Julie 2007.
↑ Linda Brookes (2003). "ASCOT: Anglo-Scandinavian Cardiac Outcomes Trial -- Results From The Lipid-Lowering Arm". Medscape Today (in Engels). Geargiveer vanaf die oorspronklike op 5 Desember 2008. Besoek op 1 Julie 2007.

Eksterne skakels wysig

Amptelike webtuiste van Servier Geargiveer 4 Januarie 2014 op Wayback Machine

[1] Royal Australian College of General Practitioners. "Consumer Medicine Information, GenRx Perindopril" (PDF). Clinical Resources, Medicine information for health professionals. Geargiveer vanaf die oorspronklike (PDF) op 1 September 2007. Besoek op 23 September 2013.

[2] Australian Government Department of Health and Ageing (2008). "PBS For Health Professionals". Pharmaceutical Benefits Scheme. Geargiveer vanaf die oorspronklike op 30 Oktober 2008. Besoek op 4 September 2008.

[3] Charlotte Harding (2005). "What you need to know about the new wonder drug cocktail for high blood pressure..." JADN Repository (in Engels). Geargiveer vanaf die oorspronklike op 15 Mei 2019. Besoek op 1 Julie 2007.

[4] Linda Brookes (2003). "ASCOT: Anglo-Scandinavian Cardiac Outcomes Trial -- Results From The Lipid-Lowering Arm". Medscape Today (in Engels). Geargiveer vanaf die oorspronklike op 5 Desember 2008. Besoek op 1 Julie 2007.

[1]

[2]

[3]

[4]