Peter Schmidt (17 Mei 1931 – 22 Januarie 1980)[1] was 'n Berlyns-gebore Britse kunstenaar en skilder. Hy was 'n teoretikus van kleur en komposisie en 'n pionier in multimedia uitstallings asook 'n invloedryke onderwyser aan die Watford Kunstekollege.

Hy was deel van 'n generasie kunsskool-onderwysers in die 1960's en 1970's wat 'n groot impak op sommige studente gehad het wat later in die kunste- en musiekbedryf gewerk het.

Hy het saam met Hansjörg Mayer, Brian Eno, Mark Boyle, Dieter Roth, Russell Mills, David Toop en Tom Phillips gewerk.

Biografie wysig

Peter Schmidt is op 17 Mei 1931 in Berlyn gebore. Hy het in 1938 saam met sy Joodse moeder na Engeland verhuis en in 1947 begin skilder. Hy het van 1951 tot 1953 gestudeer aan die Goldsmiths Kollege, en vanaf 1953 tot 1957 aan Slade School. Hy het die Abbey Minor Reisbeurs vir 1957-58 gewen en in Sisilië getoer.

By sy terugkeer na Engeland het hy direk van voorwerpe en mense af geskilder, hoofsaaklik in olie. Sy werk is by Beaux Arts uitgestal, met sy solo-tentoonstelling in 1961.

Hy was die onderwerp van 'n rolprent, CUBISM AND BEYOND: DEPARTURES, wat in 1961 vir BBC gemaak is. In 1963 het hy 'n skilderbegrip otwikkel wat hy PROGRAM genoem het.

Hy het in 1966 'n reeks werke geskep wat geïnspireer is deur musiek en tentoongestel is tydens 'n solo-skou by Curwen Gallery. Teen hierdie tyd het sy werk heeltemal abstrak begin raak.

In 1967 het hy 'n elektroniese musiekgeleentheid genaamd A PAINTERS USE OF SOUND by die ICA opgevoer. Ander musiek en opvoerings is gehou by die Bristol Kunssentrum, die UFO Klub en die Cochrane Theatre.

Hy het ook op daardie tydstip saam met Mark Boyle gewerk en het in "Son et Lumiere" opgetree, wat ook gehou is by die Cochrane. Hy was die musikale direkteur van die 1968 ICA tentoonstelling "Cybernetic Serendipity", waarvan Jasia Reichardt die kurator was.[1]. Hy het in 1969 ELECTRONIC SOUP MIX opgevoer by die Curwin Galery en FILM SOUND MIXES by die ICA.

In 1972 het hy 'n reeks van 64 tekeninge geproduseer; wat gebaseer was op hexagramme van die I Ching. Een van sy laaste kreatiewe eksplorasies in nie-figuratiewe werk was 'n reeks abstrakte skilderye wat verlig is deur 'n spesiale ligboks.

Teen hierdie tyd het sy werk weereens meer figuratief begin word. In 1975 het hy 'n tentoonstelling gehad by Whitechapel Kunsgalery in samewerking met sy studente aan Watford Kunsskool, genaamd "Painting on Clothes".

Schmidt het gedurende sy leeftyd baie mediatipes en idees ondersoek. Hy het 'n groot aantal werke gepubliseer, insluitende boeke, rolprente en skilderye.

Gedurende sy laaste jare het hy met waterverf geskilder en baie tyd spandeer aan die skilder van landskappe op die Kanariese Eilande, die Eiland van Skye teen die kus van Skotland, en Ysland.

Alhoewel verteenwoordigend, was Schmidt se benadering juis om sy eie teorie van kleur en komposisie te gebruik. Die laaste tentoonstelling wat Schmidt beplan het, genaamd More Than Nothing, by die Paul Ide Galery in Brussel, was 'n samewerkingsgeleentheid met Brian Eno. Van die werke wat tentoongestel is was die eerste generatiewe ligboks, 'n waterkleurskildery van Brian Eno, "Portrait of Eno with Allusions",[2] verskeie Tiger Mountain afdrukke, die vier "Mandala Castles" en etse wat spesiaal hiervoor geskep is.

Schmidt was met vakansie op La Gomera in die Kanariese Eilande toe hy skielik op 22 Januarie 1980 aan 'n hartaanval beswyk het, slegs dae voor die opening van die tentoonstelling.

Hy word oorleef deur sy broer, suster, seun, dogter, hulle moeder (en sy tweede vrou) asook sy derde vrou.

Tentoonstellings wysig

Peter Schmidt het uitstallings gehad by:

  • Beaux Arts Galery, Londen – 1961
  • Curwen Galery, Londen – 1966
  • Gallerie Hansjorg Mayer, Stuttgart – 1967
  • Lisson Galery, Londen; Editions Alecto Galery, Londen – 1968
  • Bear Lane Galery, Londen; Curwen Galery, Londen – 1969
  • Lisson Galery, Londen – 1970
  • White Chapel Galery, Londen – 1975
  • JPL Fine Arts, "Watercolours", Londen – 1977
  • Galerie Shandar, Parys; Galleri Sudurgata 7, Reykjavik; Sundholl Galery, Isafordor; Caius College Galery, Cambridge – 1978
  • Paul Ide Galery, Brussel; Galleri Sudurgata 7, Reykjavik; Vertshuis Galery, Flatey – 1979
  • Paul Ide Galery(met Brian Eno) "More Than Nothing", Brussel – 1980
  • Watford Museum, "Remembered Images", Watford – 1987
  • The Living Art Museum, "Icelandic Landscapes", Reykjavik – 1995
  • Mummery & Schnelle, "To Become Like Music", Londen – 2008

Verwysings wysig

  1. Peter Schmidt se amptelike webblad
  2. "Portrait of Eno with Allusions", Peter Schmidt, waterkleurportret van Brian Eno.

Eksterne skakels wysig

  • PeterSchmidtWeb, an internet raisonne catalogue, dedicated to preserving the memory of Peter Schmidt's life and work.


Hierdie artikel is in sy geheel of gedeeltelik vanuit die Engelse Wikipedia vertaal.