Pieter (Piet) Dankert (Stiens, 8 Januarie 1934Perpignan, 21 Junie 2003) was 'n Nederlandse en Europese politikus. Hy was lid van die PvdA

Piet Dankert
Piet Dankert
Piet Dankert

President van die Europese Parlement
Ampstermyn
1982 – 1984
Voorafgegaan deur Simone Veil
Opgevolg deur Pierre Pflimlin

Adjunkminister van Europese Sake
Ampstermyn
1989 – 1994

Persoonlike besonderhede
Gebore 8 Januarie 1934
Stiens, Nederland
Sterf 21 Junie 2003 (op 69)
Perpignan, Frankryk
Politieke party PvdA

Hy het aanvanklik in die onderwys gewerk, maar het in 1968 lid van die Tweede Kamer van die Nederlandse volksverteenwoordiging geword. Hy was woordvoorder vir Buitelandse Sake en Verdediging en het die veral verder eenwording van Europa nagestreef. Aan die einde van die 1970s het hy lid van die Europese Parlement geword en die nasionale politiek verlaat. In 1982 volg hy Simone Veil op as die tweede president van die parlement ná dit direk verkies is. (Die 13de in totaal). Hy wen die verkiesing in die parlement van Altiero Spinelli, die Italiaanse parlementslid wat met gedeeltelike sukses die Franse president Mitterrand daarvan oortuig dat Frankryk sy steun moet gee aan nuwe planne om die Europese Gemeenskappe te reorganiseer, versterk en verenig in die Europese Unie. [1] Frankryk het sedert Charles de Gaulle se tyd verder integrasie taamlik vertraag. Dankert steun hierdie dialoog tussen Straatsburg en Parys. Saam met Spinelli en Mauro Ferri besoek hy Mitterrand en Spinelli en oortuig die Franse president dat Frankryk 'n uitsonderlike rol hiermee kan speel.[2]

In 1984 word Dankert opgevolg deur Pierre Pflimlin. In 1989 keer hy na die Nederlandse politiek terug in die Kabinet Lubbers III (1989-1994) as adjunkminister vir Europese Sake. Ná hierdie periode keer hy terug na die Europese Parlement as lid tot 1999. In hierdie tyd is hy veral begrotingspesialis en hy beywer hom vir 'n EU-lidmaatskap van Turkye. Hy was ook lid van die Parlementêre Assemblees van die Raad van Europa, NAVO en die Wes-Europese Unie.

Funksies wysig

  • lid Tweede Kamer; 6 Februarie 1968 - 10 Junie 1981
  • lid Europese Parlement; 17 Julie 1979 - 6 November 1989
  • president van die Europese Parlement; 19 Januarie 1982 - 24 Julie 1984
  • adjunkminister van Buitelandse Sake (Europese Sake); 7 November 1989 - 15 Julie 1994
  • lid Europese Parlement; 19 Julie 1994 - 20 Julie 1999

Verwysings wysig

  Hierdie artikel is (gedeeltelik) vertaal uit die Nederlandse Wikipedia. Sien bron.

  1. L'Italia nella costruzione europea. Un bilancio storico (1957-2007): Un bilancio storico (1957-2007) Piero Craveri, Antonio Varsori FrancoAngeli, ISBN 8856809303, ISBN 9788856809305, bls. 437
  2. Altiero Spinelli's European Federal Odyssey John Pinder The International Spectator 2007.

Eksterne skakels wysig