Pietro Mascagni
Die operakomponis Pietro Mascagni (1863–1945) is in Livorno, Italië, gebore. Hy het aan die konservatorium in Milaan gestudeer en hom later by 'n reisende operageselskap aangesluit. In 1889 het hy die eerste prys in ’n kompetisie gewen met sy verismo-opera Cavalleria rusticana.
Pietro Mascagni | |
|---|---|
 Pietro Mascagni in 1902 | |
| Agtergrondinligting | |
| Gebore | 7 Desember 1863 Livorno, Italië |
| Sterf | 2 Augustus 1945 (op 81) Rome, Italië |
| Genres | Opera |
| Beroep(e) | Komponis, dirigent |
Die eerste opvoering in Rome in 1890 was 'n onmiddellike sukses. Dit is tot vandag toe nog een van die gewildste operas. Dit het tradisie geword om Cavalleria rusticana saam met I pagliacci van Leoncavallo op te voer. Van Mascagni se ander belangrike operas is L'Amico Fritz (1891), Isri (1898) en Nerone (1935); laasgenoemde verheerlik Benito Mussolini.
Bronnelys wysig
- Wêreldspektrum, 1982, ISBN 0-908409-59-1, volume 18, bl. 72
Eksterne skakels wysig
Wikimedia Commons het meer media in die kategorie Pietro Mascagni.- (en) Pietro Mascagni in die Internet-rolprentdatabasis
- (en) "Pietro Mascagni". Encyclopædia Britannica. Besoek op 4 September 2019.
