Pietro Perugino (ca. 1450–1523) was 'n Italiaanse skilder. Daar is min oor sy skoling bekend, maar sy eerste ontwikkelings is duidelik beïnvloed deur Andrea del Verocchio en sy jare in Verrocchio se Florentynse werkswinkel, waar hy saam met Leonardo da Vinci gewerk het. Ook die skilderye van Piero della Francesca het 'n belangrike invloed op hom gehad. Perugino het in 1472 by die Florentyse skildersgilde aangesluit.

Pietro Perugino
Geboortenaam Pietro Vannucci
Gebore ca. 1450
Città della Pieve, Italië
Sterf 1523
Fontignano, Italië
Nasionaliteit Italiaans
Veld Skildery, fresko's
Opleiding Andrea del Verocchio
Beweging Renaissance
Werke Die lewering van die sleutels

Hy het in 1481 na Rome vertrek om te help met die fresko's aan die mure van die Sikstynse Kapel. Tussen 1486 en 1496 was hy weer terug in Florence en dit is in dié stad waar hy baie van sy bekende werke geskep het. Hierna het hy tussen Venesië, Mantua, Milaan en Perugia rondgetrek.

Perugino was 'n tipiese verteenwoordiger van die Umbriese skool, veral as die dromerige stemming, vrede en harmonie in sy werke in ag geneem word. Hy het self ook talle leerlinge gehad, onder andere Raphael.

Galery wysig

Eksterne skakels wysig

Bronne wysig

LitBronne wysig

  • Andreas Schumacher (Hrsg.): Perugino – Raffaels Meister. 1. Auflage. Hatje Cantz Verlag, 2011, ISBN 978-3-7757-3159-1.
  • Joseph Antenucci Becherer (Hrsg.): Pietro Perugino: Master of the Italian Renaissance. Rizzoli, New York 1997, ISBN 0-942159-20-9.
  • Fiorenzo Canuti: Il Perugino. La Diana, Siena 1983 (Repr.), ISBN 88-85659-07-1.
  • Vittoria Garibaldi: Perugino. Giunti Editore 2004, ISBN 88-09-03544-5.