Plesiadapiformes
Die Plesiadapiformes (Simons and Tattersall 1972)[1] is 'n orde van uitgestorwe soogdiere uit die Paleoseen en Vroeë Eoseen van Europa en Noord-Amerika. Daar is meer as 35 genusse en 75 spesies van hulle bekend en hulle was 'n suksesvolle groep. Die orde word gewoonlik beskou as die vroegste verteenwoordigers van die Euarchonta-tak van die Euarchontoglires, een van die vier hoofgroepe van die Plasentalia. 'n Onlangse kladistiese ontleding (Halliday 2015) het dit bevestig, behalwe dat Purgatorius -wat uit die Kryt stam en dikwels as die groep se oudste verteenwoordiger beskou word- in hierdie ontleding niet tot hierdie groep behoort nie. Pleks daarvan is dit 'n basale lid van die Eutheria.
| Plesiadapiformes | |
|---|---|
| |
| Plesiadapis | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Mirorder: | Primatomorpha |
| Orde: | †Plesiadapiformes |
| Families | |
Plesiadapiforms het baie ooreenkomste met die Primates en hulle was oorspronklik boombewonende insektivore. Hulle gebit verraai nogtans dat hulle ook plante as voedsel gebruik het. Hulle is nogtans nie die voorouers van die Strepsirhini (halfape) nie. Hulle het net 3 of minder voorkiestande en die halfape het nog vier. Hulle ontbeer ook die postorbitale orbit, 'n benige ring rondom die oë en hul harsings is kleiner.[2] Hul bekendste verteenwoordiger is Plesiadapis.