Plettenbergbaai
Plettenbergbaai, 'n Wes-Kaapse dorp langs die Tuinroete aan die Indiese Oseaan, sowat 210 km van Port Elizabeth, het van 'n klein vissersdorpie tot een van die gewildste vakansieoorde in Suid-Afrika ontwikkel. Die N2 nasionale pad loop teenaan die dorp verby.
Plettenbergbaai | |
|---|---|
 Die strand van Plettenbergbaai | |
  Plettenbergbaai Plettenbergbaai se ligging in Wes-Kaap | |
| Koördinate: 34°03′S 23°22′O / 34.050°S 23.367°OKoördinate: 34°03′S 23°22′O / 34.050°S 23.367°O | |
| Land |  Suid-Afrika |
| Provinsie | Wes-Kaap |
| Distrik | Tuinroete |
| Munisipaliteit | Bitou |
| Stigting | 1779 |
| Oppervlak | |
| • Totaal | 39,7 km2 (15,3 vk. myl) |
| Bevolking (2011)[1] | |
| • Totaal | 31 804 |
| • Digtheid | 801/km2 (2 070/vk. myl) |
| Rasverdeling (2011) | |
| • Wit mense | 16.0% |
| • Indiërs/Asiërs | 0.4% |
| • Bruin mense | 21.6% |
| • Swart mense | 60.3% |
| • Ander | 1.6% |
| Taal (2011) | |
| • Xhosa | 53.7% |
| • Afrikaans | 27.4% |
| • Engels | 13.0% |
| • Ander | 5.9% |
Geskiedenis wysig
Die Portugese seevaarders van die 15de eeu noem dit Bahia Formosa, die Mooie Baai. Die dorp kry sy huidige naam van baron Joachim Ammena van Plettenberg (1739-1793), wat in die tydperk tussen 1774 en 1785 goewerneur van die Kaapkolonie was. In 1787 bou die Verenigde Oos-Indiese Kompanjie 'n hawe hier om die plaaslike hout oorsee te verskeep.
Daar was ook 'n walvisstasie in Plettenbergbaai. Die stasie is in 1912 deur die Nore opgerig maar in 1920 verskuif na Durban. Die walvisstasie was bedryf op die area wat tans as Beacon Isle bekend staan.
Wapen wysig
Plettenbergbaai se munisipale raad het in 1966 'n wapen by die Kaapse Provinsiale Administrasie geregistreer: Gedeel van goud en blou en op 'n rooi skildsoom sewe skulpe van silwer. Die helmteken was 'n blou skildjie voor 'n swart anker tussen twee fisantvere, en die wapenspreuk "Animo et fide".[2] Hierdie wapen is op baron Joachim van Plettenberg s'n gebaseer. Die wapen is in 1971 by die Buro vir Heraldiek geregistreer.[3]
Omgewing wysig
Die Keurboomsrivier mond uit in die Keurboomsrivierstrandmeer wat op sy beurt weer uitmond in die Indiese Oseaan. Sport soos hengel, swem, seiljagvaart en ski word op die lagune beoefen. Plettenbergbaai beskik oor drie lang strande waarvan Keurboomsstrand en Robbergstrand seker die bekendste is. Op Robberg, 'n klein skiereiland suid van die dorp, is 'n natuurbewaringsgebied van 243 ha. Die skiereiland eindig in Cape Seal met sy Kaap Sealvuurtoring. Robberg dien ook as 'n natuurlike breekwater. Die strand by Robberg is as 'n blouvlagstrand gesertifiseer. Die bedreigde Knysnaseeperdjie (Hippocampus capensis) kom in die strandmeer voor.
Skeepswrakke wysig
Verskeie skepe het hier gestrand:
- São Goncalo (1630).
- Jane (1888)
- Athena (1967)
Galery wysig
-
Die Beacon Isle-oord -
Die Piesangrivier -
Die Keurboomsrivier se monding by Plettenbergbaai -
Anglikaanse Kerk -
Replika van die Van Plettenbergbaken -
Antieke houtstoor
.jpg){kind=tracking}
Sien ook wysig
- St. Andrewskerk, nasionale gedenkwaardigheid buite Plettenbergbaai.
- Lys van dorpe in Suid-Afrika
Verwysings wysig
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
- ↑ 1,0 1,1 1,2 1,3 Som van die hoofplekke Bossiesgerf, New Horizons, Kwanokuthula en Plettenbergbaai Sensus 2011.
- ↑ Kaap die Goeie Hoop Amptelike koerant 3336 (18 Maart 1966).
- ↑ National Archives of South Africa: Data of the Bureau of Heraldry.