Polizeiruf 110 is 'n Duitse misdaadreeks wat sedert 1971 deur die Deutscher Fernsehfunk (DFF, 1972-1990: Fernsehen der DDR) vervaardig is en ná die ontbinding van die DFF vanaf 1993 deur openbare uitsaaiers in die ARD-netwerk voortgesit word.

Polizeiruf 110

Logo van Polizeiruf 110
Genre Misdaad-drama
Oorsprong Flag of the German Democratic Republic Oos-Duitsland (1971–1990)
Vlag van Duitsland Duitsland (1990–hede)
Vlag van Oostenryk Oostenryk (1994–1995)
Taal Duits
Aantal episodes 401
Produksie
Looptydperk 90 minute
Uitsending
Oorspronklike kanaal Fernsehen der DDR (1971–1990)
ARD (1990–hede)
Eerste lopie 27 Junie 1971 op DFF
Die akteur Kurt Böwe (1929−2000) het vanaf 1994 een van die hoofrolle vertolk as Kommissar Groth

Polizeiruf 110, wat vir die eerste keer op 27 Junie 1971 as 'n soort Oos-Duitse weergawe van die Wes-Duitse misdaadreeks Tatort gebeeldsaai is, het in Duitsland tot een van die gewildste reekse in dié genre ontwikkel.

'n Verskeidenheid kleiner en groter misdade is in Polizeiruf 110 behandel, naas onderwerpe soos alkoholisme, kindermisbruik en verkragting - verskynsels wat in 'n sosialistiese samelewing andersins gewoonweg as taboe beskou is. In teenstelling met huidige misdaadreekse, waarin moord 'n minimum-vereiste vir 'n boeiende handeling geword het, word in die Polizeiruf 110-aflewerings, wat in die DDR vervaardig is, die volledige spektrum van misdade getematiseer: inbraak, afpersing, bedrog, diefstal en jeugmisdaad.

Terwyl sy Wes-Duitse eweknie Tatort op die polisiespeurders as hoofkarakters fokus en ook hul privaat lewe by die handeling insluit, het die oorspronklike Polizeiruf 110-aflewerings op die polisiespeurwerk gekonsentreer. Draaiboekskrywers het moeite gedoen om ook die misdadiger, sy psige en die agtergrond van sy oortreding vir die televisiekyker te ontleed. Aksietonele speel 'n ondergeskikte rol.

Polizeiruf 110 was een van min televisiereekse waarin sosiale vraagstukke in die Oos-Duitse samelewing openlik aangespreek is - alhoewel die pedagogiese funksie van hierdie openheid soms al te duidelik was. Vanaf 1976, toe die DDR-bewind kritiese skrywers en sangers aan bande begin lê of selfs uitgeburger het, is ook Polizeiruf 110 gensensureer. Enkele aflewerings, wat reeds vervaardig was, is om politieke redes verkort.

Eksterne skakels wysig