Wikipedia-portale: Musiek · Letterkunde · Sport · Geografie · Geologie · Geskiedenis · Fisika · Chemie · Biologie · Sterrekunde · Krieket · Rugby · Vlae en wapens

Türkiye portalına hoş geldiniz . . . Welkom by die portaal oor Turkye

Turkye, amptelik die Republiek van Turkye, is 'n land in Eurasië wat strek oor die Anatoliese Skiereiland in Wes-Asië en die Balkangebied van Suid-Europa. Die land grens aan die Swartsee in die noorde, die Egeïese See in die weste en die Middellandse See in die suide.

Die streek waaruit die moderne Turkye vandag bestaan, was die geboorteplek van baie beskawings, onder meer die Bisantynse- en die Ottomaanse Ryk. Vanweë sy strategiese ligging op die grens van twee kontinente is die Turkse kultuur ’n unieke vermenging van die Ooste en die Weste en word ook dikwels na die land verwys as die brug tussen die twee beskawings.

Sterartikel

Turkye

Istanboel of Istanbul (Turks: İstanbul) is die grootste stad in Turkye en met ’n bevolking van sowat 12 miljoen een van die grootste stede ter wêreld. Dit is die kulturele, ekonomiese en finansiële sentrum van Turkye.

Die stad lê in die Istanboel-provinsie en beslaan 27 van die provinsie se 39 distrikte. Dit is in die noordweste van die land aan die Bosporus-seestraat geleë en omsluit die natuurlike hawe die Goue Horing. Dit strek oor beide die Europese kant (Thrakië) en die Asiatiese kant (Anatolië) van die Bosporus en is die enigste stad ter wêreld wat op twee kontinente geleë is.

Meer oor Istanboel . . .


Foto: ’n Veerboot op die Bosporus.

Attraksies in Istanboel

Aya SophiaBosporusSee van MarmaraBlou MoskeeGroot BasaarSüleymaniye-moskeeGoue HoringTopkapi-paleisKafesİstiklal CaddesiTünelTaksim-pleinOrtaköyBosporus-brugFatih Sultan Mehmet-brugMaagdetoringThraciëLatynse RykHippodroom van KonstantinopelSeraglio-puntKadıköyFenerGalata-toringGalata-brugNuwe MoskeePrinse-eilandeBeyazıt-toringFatih-moskeeDolmabahçe-paleisOrtaköy-moskeeEminönüFatihMure van KonstantinopelBeyoğluGroot Paleis van KonstantinopelAya IreneLeventMaslakMecidiyeköyMilionMarcianus-kolomRumelihisarıAnadoluhisarıKaraköyBebekBeşiktaşÜsküdar

Oliestoei

Turkye

Oliestoei (Turks: yağlı güreş), ook bekend as Turkse stoei, is die nasionale sport in Turkye. Dit word so genoem omdat die stoeier sy hele lyf met olyfolie bedek. Die stoeiers word pehlivan genoem (van Persies: پهلوان of pehlevān; "held" of "kampioen") en dra ’n leerbroek, wat ’n kisbet (soms kispet) genoem word

In die Ottomaanse Ryk het stoeiers die gevegkuns in spesiale skole, tekke, geleer. Dit was nie net sportskole nie, maar ook geestelike sentrums.

Stede van Turkye

Turkye

AdanaAnkaraAntakyaAntalyaBursaDiyarbakırEdirneEfeseErzincanGaziantepHarranHiërapolisIstanboelIzmirIzmitKonyaPamukkalePergamonSomaTrabzonTroje

Foto: Istanboel

Het jy geweet?

  • Die Aya Sophia (Engels: Hagia Sophia) is ’n eertydse Oosters-Ortodokse basilika, later ’n moskee en nou ’n museum in Istanboel.
  • Die Sultan Ahmet-moskee, beter bekend as die Blou Moskee, kry sy bynaam van die blou teëls waarmee dit binne versier is. Sy buitekant is wit.
  • Anzac-dag word elke jaar gevier op 25 April, die dag in 1915 toe die Anzacs (troepe van die Australiese en Nieu-Seelandse Leërkorps) in Gallipoli geland het in wat sedert 1985 Anzac-baai genoem word. Dit is veral in Australië en Nieu-Seeland ’n belangrike dag en tot 10 000 mense woon jaarliks die dienste in Anzac-baai by. Gallipoli is in Turks bekend as Gelibolu.
  • Konstantinopel is die vorige naam van Istanboel. Dit was eens die hoofstad van die Bisantynse Ryk. Voorheen was dit bekend as Bisantium. Dit is Turkye se belangrikste en grootste stad.


Vader van die Turke

Turkye

Mustafa Kemal Pasha (1881–10 November 1938) was ’n Turkse weermagoffisier, revolusionêre staatsman en die stigter en eerste president van die Republiek van Turkye. Hy het later die bynaam Atatürk, "Vader van die Turke", gekry.

Mustafa Kemal het bekend geword as ’n uiters bekwame militêre offisier deur die enigste onoorwonne Ottomaanse aanvoerder te wees tydens die Eerste Wêreldoorlog. Ná die neerlaag van die Ottomaanse Ryk het hy die Turkse nasionale beweging in die Turkse Oorlog vir Onafhanklikheid gelei. Tydens sy bewind het hy ’n program van politieke, ekonomiese en kulturele hervormings deurgevoer. Hy het die voormalige Ottomaanse Ryk in ’n moderne, demokratiese en sekulêre staat verander.

Sterfoto

Turkye

Die draaiende derwisje (bedelmonnike), of derwisjdansers, van die Mevlanamuseum in Konya is 'n bekende gesig en toeristeattraksie in Turkye.

Meer oor die draaiende derwisje . . .

Turkse bad

Turkye

’n Hamam (van Arabies: حمّام, ḥammām) is ’n Midde-Oosterse weergawe van ’n stoombad. In Wes-Europa was die Turkse bad as ’n manier om te was en ontspan veral in die Victoriaanse tydperk gewild.

In ’n Turkse bad ontspan ’n mens eers in ’n kamer wat deur droë, warm lug verhit word om die mens te laat sweet. Daarna bly die persoon in nog ’n warm kamer voordat hy homself met koue water afspoel. Nadat hy gewas en ’n massering gekry het, ontspan hy in die "afkoelkamer".