Quo vadis? is 'n Latynse sinsnede met die betekenis “Waar gaan u heen?” of “Waarheen is u op pad?”. Die moderne gebruik hiervan word vanuit 'n Christelike agtergrond geheet, wat uit die Apokriewe Handelinge van Petrus (Vercelli Handelinge XXXV) terugverwys, waar Petrus tydens sy ontvlugting van moontlike kruisiging in Rome vir Jesus weer langs die pad ontmoet. Petrus vra dan hierdie vraag aan Jesus. Jesus het geantwoord: “Ek gaan Rome toe om weer gekruisig te word” (Eo Romam iterum crucifigi). Hierdie antwoord het Petrus aangespoor om met sy bediening voort te gaan en om uiteindelik ’n martelaar te word.

Domine, quo vadis? (1601-1602), skildery deur Annibale Carracci

Hierdie sinsnede kom ook ’n paar keer in die Vulgaat voor, die merkbaarste in Johannes 13:36 wanneer Petrus dieselfde vraag aan Jesus vra, nadat Hy sy dissipels meegedeel het “Waar Ek heengaan, kan julle nie kom nie”. Jesus het op Petrus se vraag geantwoord: “Waar Ek heengaan, kan jy My nou nie volg nie, maar later sal jy My volg.”

Quo vadis’ kom ook in Genesis 16:8, Genesis 32:17 en Johannes 14:5 voor.

Hierdie artikel is in sy geheel of gedeeltelik vanuit die Engelse Wikipedia vertaal.