Ramparty
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
’n Ramparty of bokkefuif is ’n informele partytjie wat gehou word vir ’n aanstaande bruidegom om sy "laaste aand van vryheid" saam met sy mansvriende te vier, waar laasgenoemde dikwels ook na sy bruilofsfees genooi is. Die ramparty word gewoonlik deur die strooijonker en/of ander bruidegomsvriende gereël. Die vroulike weergawe staan bekend as die kombuistee of henneparty.
Rampartye word gewoonlik in die geheim beplan om sover moontlik 'n verrassing vir die bruidegom te wees. Die byeenkoms neem gewoonlik die vorm van 'n braai, naweekkamp in die bos of 'n rustige kuier in 'n restaurant aan. Soms ruk die partytjies egter handuit en gaan met hewige drinkery of die reël van 'n ontkleedanser gepaard.
Soms word "rumparty" verkeerdelik gebruik, waarskynlik verwysende na die oormatige drankgebruik tydens die gesellighede.
Eksterne skakels
Wikimedia Commons het meer media in die kategorie Ramparty.
