Die Randstad is 'n gebied in Nederland wat die grootste stede van die land omvat en wat grotendeels as een stad aan mekaar gegroei het. Dié gebied het ongeveer 8 miljoen inwoners.

Die bereikbaarheid van werkgeleentheid in die Randstad

Dit het ongeveer die vorm van 'n ring met Amsterdam in die noorde, Den Haag in die weste, Rotterdam in die suide en Utrecht in die ooste. Ander kleiner stede wat in hierdie megapolis opgeneem is, is Haarlem, Leiden, Delft, Dordrecht, Hilversum en Almere. Omrede die middel oorspronklik 'n veenmoeras was en dit moeiliker is om daar te bou, het die middel van die gebied, die "groene hart", minder ontwikkeling ondergaan. Dit geld ook vir die suidooste van die gebied.