Raytheon Sentinel
| Subklas van | Bombardier Global Express, waarnemingsvliegtuig |
|---|---|
| Land van oorsprong | Verenigde State |
| Operateur | Britse Lugmag |
| Vervaardiger | Raytheon |
| Nooiensvlug | 26 Mei 2004 |
| Ontwikkelaar | Raytheon |
Die Raytheon Sentinel is 'n slagveld- en grondtoesigvliegtuig wat voorheen deur die Britse Lugmag (RAF) bedryf is. Dit is gebaseer op die Bombardier Global Express ultralangafstand-sakestraler, en die hoofkontrakteur vir die Sentinel was die Amerikaanse verdedigingsfirma Raytheon, wat die meeste van die sendingstelsels verskaf het en die integrasiewerk verrig het.[1]
.jpg)
Oorspronklik bekend as die ASTOR (Airborne STand-Off Radar)-program, het verkryging van die tipe gedurende 1999 begin. Na sy aflewering in 2007, is die Sentinel-vloot deur 'n RAF-eskader bestuur wat deur beide lugmag en Britse Leërpersoneel beman is. Die Sentinel is wedersyds bruikbaar met ander verwante stelsels soos JSTARS en die NAVO Alliance Ground Surveillance (AGS) stelsel. Sentinels is by verskeie geleenthede in die buiteland ontplooi, soos ter ondersteuning van die Britse leër in Afghanistan, koalisiemagte in Libië, en om Franse magte wat in Mali ontplooi is, by te staan.[2][3] Die tipe is ook op kleiner skaal in Ghana ontplooi en het selfs binnelands ramphulpoperasies bygestaan.
In 2010 het die Britse regering se Strategiese Verdediging en Sekuriteitsoorsig (SDSR) sy voorneme aangekondig om die Sentinel-grondtoesigvliegtuig uit die lug te onttrek sodra dit nie meer nodig is om bedrywighede in Afghanistan te ondersteun nie.[4] Die 2010-besluit is in 2014 deur premier David Cameron omgekeer en in die 2015 SDSR het die Britse regering aangekondig dat die tipe se onttrekking vertraag sal word en dat dit "tot die volgende dekade" in diens sal bly.[5] Weens die herhaalde twyfel oor sy toekoms, het die Sentinel nie opgraderings gedurende sy dienslewe ontvang nie. Die tipe is in Maart 2021 uit diens onttrek.[6]
Verwysings wysig
- ↑ "DSEI 2019: Stop/Start SENTINEL Still Going Strong". monch.com. Besoek op 19 Maart 2021.[dooie skakel]
- ↑ "Mali: RAF surveillance aircraft Sentinel deployed". BBC. 25 Januarie 2013. Besoek op 30 Mei 2014.
- ↑ "Mali Militants Shift Up Tactics As France's War Coalition Grows". Wired.com. 26 Januarie 2013.
- ↑ "Securing Britain in an Age of Uncertainty: The Strategic Defence and Security Review" (PDF). HM Government. 19 Oktober 2010. Geargiveer vanaf die oorspronklike (PDF) op 22 Desember 2010. Besoek op 19 Oktober 2010.
- ↑ "National Security Strategy and Strategic Defence and Security Review 2015" (PDF). HM Government. November 2015. Besoek op 7 Junie 2020.
- ↑ Cenciotti, David (25 Februarie 2021). "RAF Sentinel makes final flight". BBC. Besoek op 26 Februarie 2021.
Eksterne skakels wysig
