Rudolf August Wilkens Straeuli (gebore 20 Augustus 1963 in Pretoria, Suid-Afrika) is 'n rugbyspeler wat in die posisies van flank en agsteman vir die Springbokke gespeel het. Hy het later dieselfde Springbokspan afgerig. Hy het ook vir Noord-Transvaal (later Blou Bulle) en Transvaal (later Goue Leeus) gespeel in die Curriebeker-kompetisie.

Rudolf Straeuli Rugbyportaal
Volle naam Rudolf August Wilkens Straeuli
Bynaam Rudi
Geboortedatum 20 September 1963 (1963-09-20) (60 jaar oud)
Geboorteplek Pretoria, Suid-Afrika
Lengte 1,9 m
Massa 109,8 kg
Skool Hoërskool Menlopark
Universiteit Universiteit van Pretoria
Rugbyloopbaan
Loopbaan as speler
Posisie(s) Flank
Agsteman
Springbokno. 616
Professionele / senior klubs
Jare Klub / span Weds (pte)
1998–1999 Bedford Blues 6 (0)
Provinsiale- / Staatspanne
Jare Klub / span Weds (pte)
1990
1993–1996
Noord-Transvaal
Transvaal
?
61
Superrugby/Verenigde Rugbykampioenskap
Jare Klub / span Weds (pte)
1996 Transvaal
Nasionale span(ne)
Jare Land Weds (pte)
1994–1995 Vlag van Suid-Afrika Suid-Afrika 10 (20)
Loopbaan as afrigter
Jare Klub / span
2002–2003 Vlag van Suid-Afrika Suid-Afrika

Loopbaan as rugbyspeler wysig

Straeuli het op 9 Julie 1994 sy debuut vir Suid-Afrika gemaak teen die All Blacks waartydens hy 'n drie gedruk het. Hy het in 10 toetse in totaal gespeel, insluitend in die Rugbywêreldbeker 1995. Sy rugbyloopbaan (as speler) eindig op 18 November 1995 teen Engeland op die Twickenham-stadion.

Loopbaan as afrigter wysig

Straeuli het nie soveel opslae gemaak as rugbyspeler nie, maar was berug as Springbokafrigter. Nadat Harry Viljoen, die vorige afrigter, slegs 53% van sy wedstryde kon wen, was Straeuli deur baie beskou as die persoon wat Suid-Afrikaanse rugby kon regruk, en is op 1 Maart 2002 aangestel as afrigter.

Aan die begin het dinge goed verloop vir Straeuli en hy het sy eerste vier wedstryde gewen met oorwinings oor Wallis, 'n 20-puntoorwinning oor Argentinië en 'n oorweldigende 60–18 oorwinning oor Samoa. Maar toe die Springbokke die wêreld se top tien spanne moes aandurf, het dinge ernstig begin skeefloop vir Straueli.

Onder Straeuli het die Springbokke 'n laagtepunt bereik in wêreldbekerrugby met rekordnederlae teen verskeie lande, insluitende:

Deur al die nederlae was Straeuli se kommentaar aan die publiek dat hy nog aan sy span bou, en dat mense hom nie op sy Rugbywêreldbeker 2003-prestasie moet oordeel nie. Maar toe Suid-Afrika vir die eerste keer ooit in 'n wêreldbekertoernooi nie die kwarteindstryd haal nie, is hy verplig om te bedank nadat inligting oor sy berugte Kamp Staaldraad oefenkamp bekend geword het.

Ter opsomming was Straeuli die afrigter van 23 toetse, waarvan 52% gewen is. Dit was 'n swakker rekord as die van sy voorganger. Sy span wen slegs twee van hul 17 wedstryde teen die top-ses spanne in die wêreld. Dit maak hom die springbokafrigter met die swakste wenrekord in Suid-Afrikaanse rugbygeskiedenis.

Eksterne skakels wysig

Voorafgegaan deur
Harry Viljoen
Springbokafrigters
2002–2003
Opgevolg deur
Jake White