Sabi Sand-wildreservaat

Die Sabi Sand is 'n wildreservaat geleë aangrensend aan die Krugerwildtuin in die laeveld van Mpumalanga, Suid-Afrika, wat ook deel uitmaak van die Groter Limpopo Oorgrenspark. Die Newington-toegangshek is aan die suidekant by 24°52′9″S 31°24′16″O, noordwes van die Krugerhek en Skukuza.

Sabi Sand Wildreservaat
Die luiperdwyfie genaamd "Thandi" loop in die Djuma-konsessie van die Sabi Sandwildtuin
Land	Suid-Afrika
Provinsie	Mpumalanga
Naaste dorp	Skukuza, Hazyview
Sabi Sand Wildreservaat
Koördinate: 24°54′0″S 31°33′0″O
Oppervlak	65 000 ha
Bestuursliggaam	Sabi Sand Owners' Assosiation
Webblad	About Sabi Sand

'n Leeumannetjie en 'n welpie vreet aan 'n buffel in die noorde van Sabi Sand.

'n Wildrit in Sabi Sabi, een van Sabi Sand se reservate.

Die wildtuin se naam is afkomstig van die Sabie- en Sandriviere wat daardeur vloei. Die oppervlak van die reservaat is 65 000 hektaar en dit deel 'n nie-omheinde grens van 50 km met die Krugerwildtuin aan sy oostekant.

Dierelewe

Die reservaat beskik oor 'n groot verskeidenheid vrylopende wildsoorte: die Groot vyf (leeu, luiperd, witrenoster, buffel en olifant), sebra, kameelperd, klipspringer, steenbok, rooibok, rooijakkals, blouwildebees, rooihartbees, njala, koedoe, eland, duiker, kaapse bobbejaan, jagluiperd, Afrikasivet, seekoei, grootkolmuskeljaatkat, hiëna, rietbok, kolhaas, nagapie, witkwasjakkals, swartkwasmuishond, boomeekhoring, blouaap, vlakvark, ystervark, vaalboskat, waterbok, wildehond en witstertmuishond. Voëllewe sluit in saalbekooievaar, aasvoël, veereier, asook heelwat reptiele en ongewerweldes.

Eksterne skakels

• Sabi Sand Wildreservaat se amptelike webblad Geargiveer 17 Junie 2013 op Wayback Machine