Safair (IATA: FA, ICAO: SFR) is 'n lugvaartmaatskappy gebaseer op die O.R. Tambo Internasionale Lughawe in Kempton Park, Suid-Afrika [1] Dit bedryf een van die wêreld se grootste vlote van die burgerlike Lockheed L-100 Hercules vragvliegtuig,[2] dit onderneem ook huurvlugte; doen vliegtuigverhuring en verkope; kontrakbedrywighede en verhuringsdienste; huur van vlugbemanning en opleiding; die instandhouding en modifikasie van vliegtuie; lugvaartveiligheid en mediese opleiding; en kan bedrywighede ondersteun. [3]

Safair
Safair Boeing 737-300 by Sharjah Int. Lughawe
IATA ICAO Roepteken
FA SFR CARGO
GestigMaart 1969
HoofspilleO.R. Tambo Internasionale Lughawe
Vlootgrootte11
BestemmingsGeen geskeduleer
HouermaatskappyASL Aviation Group Limited
HoofkantoorKempton Park, Gauteng, Suid-Afrika
Webwerfwww.safair.co.za
Safair Lockheed L-100-30 Hercules
Safair L100-30 ZS-RSC staan op die "Deep Freeze" blad by Christchurch Internasionale Lughawe tussen missies na Zucchelli Stasie in Terra Nova-baai, Antarktika.

Vloot wysig

Teen Julie 2019 bestaan die vloot van Safair uit:[4][5][6]

Safairvloot
Vliegtuig In vloot
Boeing 737-800 7
Boeing 737-400 10
Boeing 737-400 Combi 1
Lockheed L-100-30 Hercules 6
Totaal 24

FlySafair wysig

In 2013 het Safair 'n laekosteredery filiaal genaamd FlySafair begin, wat tans plaaslike passasiersdienste in Suid-Afrika bedryf.

Geskiedenis wysig

Safair is aanvanklik deur Safmarine in Maart 1969 as 'n lugredery gestig en het begin bedryf op 18 Maart 1970. Sy primêre kliënt in die 1980's was die Suid-Afrikaanse Weermag. Tot die 1990's bedien dit hoofsaaklik die streeks- en plaaslike lugvragmark. In 1991 word dit gediversifiseer tot instandhouding van vliegtuie en oornagkoerierdienste, maar gaan ook voort met verhurings. In 1998 koop dit 'n 49%-belang in "Air Contractors", gebaseer in Ierland, en is self deur "Imperial Holdings" vir VS$ 40 miljoen gekoop in Desember 1998. In Julie 1999 verkry Safair beheer oor "National Airways Corporation" en "Streamline Aviation" ('n huurvlug- en vliegtuigverkoopmaatskappy). Dit is 'n volfiliaal van "ASL Aviation Group Ltd" gebaseer in Dublin, Ierland, [7] 'n filiaal van die Belgiese groep Compagnie Maritieme Belge [8]

Verwysings wysig

  1. http://www.safair.co.za/contact
  2. Flight International 2010 wêreldvliegtuigsensus besoek op 27 Augustus 2010
  3. Flight International 12-18 April 2005
  4. "Our Fleet" - Safair besoek op 12 Desember 2019
  5. "ASL Aviation Group Signs Letter of Intent to Procure Lockheed Martin LM-100J Freighters" – CNN MONEY. besoek op 16 Julie 2014
  6. FlySafair se probleem-Boeing kry die groen lig. Besoek 2 Junie 2022
  7. "ASL" (in Engels). Aslaviationgroup.com. 16 Januarie 2013. Geargiveer vanaf die oorspronklike op 5 September 2019. Besoek op 2 Mei 2013.
  8. .php/about/single/history Ons geskiedenis[dooie skakel], ASL Aviation amptelike webwerf
Hierdie artikel is in sy geheel of gedeeltelik vanuit die Engelse Wikipedia vertaal.