Sarie Marais

	"Sarie Marais"
	Toonsetting van Sarie Marais, uit die F.A.K.-volksangbundel vir Suid-Afrika.
Genre	Afrikaanse volksmusiek
Woorde	J.P. Toerien (of Dirk van Alphen of Susters Bezuidenhout); ; vers 3: B.A. de Wet
Melodie	Sep Winner
Verwerking	Dirkie de Villiers
Uitgereik	c. 1891
	Oorsprong
Taal/land	Engels
Titel	"Ellie Rhee"
Portaal	Musiek

Vir die gelyknamige rolprente, sien Sarie Marais (1931) en Sarie Marais (1949).

Sarie Marais is 'n bekende lied deur J.P. Toerien, geskep tydens die Eerste Vryheidsoorlog (ca. 1880) of die Tweede Vryheidsoorlog (ca. 1900). Die melodie is 'n verwerking van 'n Engelstalige liedjie genaamd "Ellie Rhee" wat uit die Amerikaanse Burgeroorlog dateer. Dit is 'n baie bekende Afrikaanse volksliedjie en is al in ander tale vertaal. Dit verwys waarskynlik na 'n persoon wat werklik geleef het, Sarie Maré, maar weens 'n drukfout is die spelling "Sarie Marais" behou.

Lirieke wysig

Die graf van Sara Johanna Adriana Nel (née Maré). Sy was moontlik die inspirasie vir die liedjie.

My Sarie Marais

is so ver van my hart,
Maar'k hoop om haar weer te sien.
Sy het in die wyk
van die Mooirivier gewoon,
Nog voor die oorlog het begin.

Refrein O bring my t'rug na die ou Transvaal,
Daar waar my Sarie woon,
Daar onder in die mielies by die groen doringboom,
Daar woon my Sarie Marais,
Daar onder in die mielies by die groen doringboom,
Daar woon my Sarie Marais.

Ek was so bang
Dat die kakies my sou vang,
En ver oor die see wegstuur;
Toe vlug ek na die kant
Van die Upington se sand
Daar onder langs die Grootrivier.

Verlossing het gekom
En die huis-toe gaan was daar,
Terug na die ou Transvaal;
My lieflingspersoon
sal seker ook daar wees
Om my met 'n kus te beloon.

Sarie-vrouetydskrif wysig

Die Afrikaanse vrouetydskrif Sarie het die liedjie se naam oorgeneem. Die tydskrif het aanvanklik Sarie Marais geheet, 'n naam wat ten tyde van die eerste uitgawe (1949) sinoniem was met die aansien en bemagtiging van die Afrikaanse vrou. Dit was ook een van die eerste Afrikaanse tydskrifte wat hom op die vrouemark toegespits het, met inhoud wat gestrek het van mode, dekor en skoonheid tot verhoudingsadvies en gesinsvoorligting.

Sien ook wysig

Jacob Maré, Sarie se pa
Sarie, vrouetydskrif wat oorspronklik ook as Sarie Marais bekend gestaan het.
Sarie Marais, Afrikaanse rolprent wat in 1931 uitgereik is.
Sarie Marais, Afrikaanse rolprent wat in 1949 uitgereik is.

Eksterne skakels wysig

Werf met geskiedenis van die liedjie
Forum met foto's van Sarie Maré se graf^{[dooie skakel]}
Opsomming van die 1931 film Sarie Marais
mp3 Oudio – Sarie Marais Geargiveer 16 September 2006 op Wayback Machine, soos gespeel deur die orkes van HM Royal Marines Commando Training Centre