Schalk Burger
Schalk ("Schalla") Burger Jr. (gebore 13 April 1983 in Port Elizabeth) is 'n Suid-Afrikaanse rugbyspeler wat as losvoorspeler speel. Schalk Burger het in vier wêreldbekers gespeel, in 2003, 2007, 2011 en 2015.
| |||||
| |||||
| Teen Samoa in 2007 | |||||
| Volle naam | Schalk Willem Petrus Burger | ||||
|---|---|---|---|---|---|
| Bynaam | Schalla | ||||
| Geboortedatum | 13 April 1983 | ||||
| Geboorteplek | Port Elizabeth, Suid-Afrika | ||||
| Lengte | 1,93 m | ||||
| Massa | 114 kg | ||||
| Skool | Paarl Gimnasium | ||||
| Vername familie | Schalk Burger sr. | ||||
| Beroep | Professionele rugbyspeler | ||||
| Rugbyloopbaan | |||||
| Loopbaan as speler | |||||
| Posisie(s) | Flank, Agsteman | ||||
| Springbokno. | 754 | ||||
| Professionele / senior klubs | |||||
| Jare | Klub / span | Weds | (pte) | ||
| 2014–2016 2016–2018 |
Suntory Sungoliath Saracens |
19 39 |
(25) (5) | ||
| korrek soos op 30 Desember 2017. | |||||
| Provinsiale- / Staatspanne | |||||
| Jare | Klub / span | Weds | (pte) | ||
| 2004- | Westelike Provinsie | 37 | (35) | ||
| korrek soos op 30 Desember 2017. | |||||
| Superrugby/Verenigde Rugbykampioenskap | |||||
| Jare | Klub / span | Weds | (pte) | ||
| 2004- | Stormers | 123 | (50) | ||
| korrek soos op 30 Desember 2017. | |||||
| Nasionale span(ne) | |||||
| Jare | Land | Weds | (pte) | ||
| 2003 2003- 2004–2013 2005 |
Junior Bokke o/21 Suid-AfrikaBarbarians Suidelike Halfrond XV |
8 86 4 1 |
(20) (80) (0) (5) | ||
| korrek soos op 30 Desember 2017. | |||||
Sy vader, ook genaamd Schalk Burger, was 'n internasionale slot wat in die 1980's vir Suid-Afrika gespeel het. Burger het by die Paarl Gimnasium skool gegaan, waar hy suksesvol aan baie sportsoorte deelgeneem het, wat ook krieket ingesluit het. Selfs sy vader het verwag dat hy eerder 'n krieketloopbaan sou volg as wat hy vir die Springbokke sou speel.
Nadat hy vir die onder-21 Junior Bokke gespeel het wat die o/21 Rugbywêreldbeker in 2002 gewen het en in 2003 kaptein van die span was, is hy vir die Springbokspan gekies. Hy het sy debuut gemaak teen Georgië in 2003 by die Rugbywêreldbeker en het sedertdien homself bewys as een van die beste flanke ter wêreld met goeie vertonings in die Super 12, Drie-Nasies en Curriebeker. Burger het vir die Stormers en Westelike Provinsie gespeel.
Burger is merkwaardig fiks, en hy word selde gerus tydens die Stormers se Superrugbyveldtogte, Suid-Afrikaanse toetswedstryde of die Curriebeker. Hy speel 'n groot rol onder die voorspelers en word selde voor die eindfluitjie blaas, vervang. Hy het wel gesukkel met geelkaarte en strafskoppe wat van tyd tot tyd teen hom toegeken is.
In 2004 is Burger gekies as 'n lid van 'n nuwe Springbokspan onder die nuwe afrigter Jake White, wat voortgegaan het om die Drie-nasies vir die eerste keer sedert Nick Mallett se span dit in 1998 reggekry het te wen. Hy is ook vereer met die Internasionale Rugbyraad se "Speler van die Jaar"-toekenning in 2004 en die 2004 "Absa SA Rugbyspeler van die jaar"-toekenning.
Na 'n middelmatige 2006 Super 14-seisoen waarin Burger net nou-en-dan oomblikke van briljantheid getoon het, sou hy weer in sy gunsteling nommer 6 posisie vir die Springbokke speel in die Drie-Nasiesreeks teen Australië en Nieu-Seeland. Hy het egter 'n nekbesering opgedoen in 'n toets teen Skotland en moes vir die besering geopereer word.[1] Die besering en operasie was so ernstig dat White die media meegedeel het dat daar 'n moontlikheid was dat Burger nie weer rugby sou speel nie.[2] Op die dag van die operasie het die Suid-Afrikaanse Rugbyraad 'n verklaring uitgereik waarin hulle gesê het dat die operasie suksesvol was en dat Burger ses tot agt maande nodig sou hê om te herstel voor hy weer rugby kon speel.[3]
Burger het na die Stormers teruggekeer op 13 Januarie 2007 waar hy 55 minute lank gespeel het in 'n wedstryd wat die Stormers teen die Bulls verloor het. Na 'n swakkerige begin het Burger die Stormers gehelp om hulle eerste Super 14 oorwinning te behaal teen die Chiefs in 'n taai 21–16 oorwinning op Nuweland.
Hy is gekies vir die Springbokke se 2007 Rugbywêreldbekerspan. In die Springbokke se eerste wedstryd in die 2007 Wêreldbeker teen Samoa, is Burger aangekla van 'n hoogvat op Junior Polu, en op 11 September is hy vir vier wedstryde geskors wat hom uit die span sou hou tot in die halfeindstryd. Die skorsing is egter op apel verkort na twee wedstryde.[4]
Verwysings wysig
- ↑ "Burger blow for the Springboks", Planet-Rugby.com, 19 Junie 2006.
- ↑ "Fears for injured Burger's career", BBC, 19 Junie 2006.
- ↑ "Schalk Burger jnr operation successful" Geargiveer 29 September 2007 op Wayback Machine, Suid-Afrikaanse Rugbyunie, 24 Junie 2006.
- ↑ "Banned Burger out of England game." BBC News online, Woensdag, 12 September 2007
Eksterne skakels wysig
- Schalk Burger by SARugby.co.za
- Schalk Burger by www.genslin.us/bokke
- Schalk Burger by itsrugby.co.uk
| Voorafgegaan deur Jean de Villiers |
Springbokkaptein 2015 |
Opgevolg deur Fourie du Preez |