Sea Harrier
Die Sea Harrier is 'n kort opstyg en vertikale landing/vertikale opstyg en landing straalvegter, verkenning- en aanvalsvliegtuig vir vlootgebruik; die tweede lid van die Harrier-familie wat ontwikkel is. Dit is as die Sea Harrier FRS1 in die Britse Vloot in diens ontplooi in April 1980.[2] Die subsoniese Sea Harrier het lugverdediging ter see voorsien vir die Koninklike Vloot se vliegdekskepe.
| Sea Harrier | |
|---|---|
 | |
| 'n Sea Harrier by die Royal International Air Tattoo. | |
| Tipe | Vloot V/STOL aanvalsvegter |
| Vervaardiger | Hawker Siddeley British Aerospace |
| Vrygestel | 20 August 1978 (FRS1) 2 April 1993 (FA2) |
| Onttrek | Maart 2006 (Britse Vloot); 6 Maart 2016 (Indiese Vloot)[1] |
| Status | uit diens gestel |
| Hoofgebruikers | Britse Vloot(histories) Indiese Vloot(histories) |
| Aantal gebou | 111 |
| Eenheidskoste | £13.9 miljoen (1991) |
| Weergawes | Hawker Siddeley Harrier |
Falklandoorlog wysig
Die Sea Harrier het in die Falklandoorlog en die Balkankonflikte diens gedoen. By alle geleenthede is dit hoofsaaklik bedryf vanaf vliegdekskepe geposisioneer binne die konfliksone. Sy gebruik in die Falklandoorlog was sy hoogste profiel en lewer belangrike suksesse, waar dit die enigste vastevlerkvegter was wat beskikbaar was om die Britse taakmag te beskerm. Die Sea Harriers het 20 vyandige vliegtuie afgeskiet tydens die konflik met slegs een verloor weens vyandige grondgeskut. Hulle is ook gebruik vir grondaanvalle op dieselfde wyse as die Harriers wat bedryf is deur die Britse Lugmag.
Ontwerp wysig
Die Sea Harrier is 'n subsoniese vliegtuig wat ontwerp is om aanvals-, verkenning en gevegsrolle te vervul.[3] Dit beskik oor 'n enkele Rolls-Royce Pegasus turbowaaierenjin met twee innames en vier verstelbare spuitpunte. Dit het twee landingswiele op die romp en twee buitelandingswiele onder die vlerke. Die Sea Harrier is toegerus met vier vlerk- en drie romphegpunte om wapens en eksterne brandstoftenks aan te monteer.[4] Deur die gebruik van die skihelling kan die vliegtuig van 'n kort vlugdek opstyg met 'n swaarder vrag as wat andersins moontlik sou wees. Dit kan egter ook soos 'n konvensionele vegter van 'n normale lughawe se aanloopbaan opstyg, sonder om van die vektorspuite gebruik te maak.[5]
Galery wysig
-
800 NAS Sea Harrier FRS1 van HMS Illustrious in na-Falklandoorlog lae-sigbaarheidverfskema -
Sea Harrier by RNAS Yeovilton. Die pre-Falklandoorlog verfskema hier gesien is verander deur die verf van die wit onderkant en merke oppad na die eilande. -
'n Paar Indiese Sea Harriers vlieg saam met 'n F/A-18F Super Hornet van die VS Vloot tydens Malabar 2007.
