Sharon A. Hill (gebore op 23 Augustus 1970) is 'n wetenskapskrywer en spreker wat bekend is vir haar navorsing oor die interaksie tussen wetenskap en die publiek, met die fokus op opvoeding en media-onderwerpe. Hill se navorsing het veral betrekking op onderwerpe oor die paranormale, pseudowetenskaplike en onreëlmatige natuurverskynsels, en het begin by die Universiteit van Buffalo, waar sy haar nagraadse werk op hierdie gebied verrig het. Hill het haar BS-graad in geowetenskappe verwerp aan Pennsilvanië se Staatsuniversiteit, en werk as geoloog in Pennsilvanië.

Sharon A. Hill

Gebore 23 Augustus 1970 (1970-08-23) (53 jaar oud)
Burgerskap Vlag van Verenigde State van Amerika VSA
. Akademiese loopbaan
Alma mater Universiteit van Buffalo (2010)
Pennsilvanië se Staatsuniversiteit (1992)
Proefskriftitel Being Scientifical: Popularity, Purpose and Promotion of Amateur Research and Investigation Groups in the U.S.
Proefskrif-url http://gradworks.umi.com/14/88/1488907.html
Bekend vir Geologie
Wetenskaplike skeptisisme
Webwerf doubtfulnews.com

Hill is die stigter van Doubtful News, 'n nuuswebwerf wat opsommings en kommentaar aan oorspronklike nuusbronne koppel, en inligting verskaf om die eise wat in die media gemaak word krities te beoordeel. Die webwerf word nie meer op datum gehou nie. Sy is ook vervaardiger en gasheer van die Doubtful News-podsending genaamd 15 Credibility Street. Sy het ook die webwerf Spooky Geology geskep.

Hill het 'n bydrae gelewer tot die Amerikaanse webjoernaal, The Huffington Post en het in geskrewe en podsending-media verskyn en verwante onderwerpe bespreek. Sy het die Sounds Sciencey-kolom vir die Committee for Skeptical Inquiry (CSI) geskryf,[1] het verslae en artikels bygedra tot Skeptical Inquirer en Skeptical Briefs en het bygedra tot verskillende skeptiese, wetenskaplike en paranormale webjoernale. Hill was ook 'n spreker aan verskeie wetenskap- en wetenskapfiksie-verwante konferensies, waaronder Balticon, The Amaz!ng Meeting (TAM), NECSS en Dragon Con.

In 2012 is Hill aangewys as 'n wetenskaplike en tegniese konsultant vir die Center for Inquiry.[2]

Sy het haar eerste boek "Scientifical Americans: The Culture of Amateur Paranormal Researchers" in 2017 gepubliseer.[3]

Professionele loopbaan wysig

 
Hill in Valley of Fire-staatspark in Nevada, 2010

Hill het as geoloog gewerk by Pennsilvanië se staatsdepartement van omgewingsbeskerming, in die departement se mynkantoor. As geoloog en kenner van openbare beleid is Hill betrokke by die ondersoek en remediëringspogings van sinkgate[4] en sy het besprekings aangebied oor openbare beleid rakende sinkgate[5] sowel as verwante reguleringsaangeleenthede.[6]

Wetenskaplike skeptisisme wysig

Hill het van jongs af belang gestel in spoke en monsters maar toe sy ouer word besef sy dat "wetenskap 'n beter manier is om die wêreld te verstaan". Sy beskou die werke van Stephen Jay Gould as haar poort tot skeptisisme. In haar Meet the Skeptics!-podsendingonderhoud van 2011, sê sy dat dit 'n geleidelike proses was om 'n skeptikus te word en dat sy besef het "daar 'n beter manier was om in 'n meer kritiese manier na hierdie onderwerpe [spoke, ens.] te kyk."[7]

Hill, wat saam gewerk het die voormalige spookjagter wat skeptikus geword het, Kenny Biddle het hom oorreed om die Anomalies Research Society (ARS) te vorm. ARS is 'n netwerk van professionele persone wat fokus op etiese, bewysgebaseerde ondersoek van paranormale en onreëlmatige gebeure.[8][9]

In Maart 2013 het Richard Saunders 'n onderhoud met Hill gevoer op die Australiese podsending "The Skeptic Zone". Tydens die onderhoud het Hill die stigting van haar webwerf Doubtful News bespreek, die proses waardeur inligting versamel is, asook die gebruik van sosiale media om die dekking van skeptisisme te verbeter.[10]

 
"Die eerlike makelaar van twyfelagtige nuus" in Las Vegas, 2013

In Maart 2013 het Hill die dokument "Media Guide to Skepticism" bekendgestel, 'n inligtingsbron wat ontwikkel is in samewerking met ander skeptiese denkers oor wetenskaplike skeptisisme "gelisensieer deur Creative Commons vir voortplanting."[11] In 'n episode van April 2013 van die Token Skeptic-podsending het Hill uiteengesit hoe sy konsepte van die gids saamgestel het, geïnspireer deur Wired.com se Mediahandleiding vir vulkane, met die doel om verslaggewers te help om oor wetenskaplike skeptisisme te skryf, sowel as diegene wat nuut is in die skeptiese beweging. Hill se gids fokus op die definiëring van skeptisisme, die belangrikheid daarvan en die hantering van algemene wanopvattings.[12]

Hill was 'n hoofspreker vir die James Randi Education Foundation se "The Amaz!ng Meeting 2013" in Julie 2013 en het 'n aanbieding gelewer getiteld "Die eerlike makelaar van twyfelagtige nuus", waar sy ook deelgeneem het aan 'n paneelbespreking oor "Bigfoot-skeptici" en het as moderator opgetree vir 'n paneel oor "Die skeptiese omvang en missie".[13] Hill het 'n werkswinkel oor koalisiebou by TAM 2012 gelei, wat paneellede David Silverman, voormalige president van American Atheists, en David Niose, voormalige president van die American Humanist Association, ingesluit het.[14]

Hill het verskyn as paneellid op Virtual Skeptics, 'n weeklikse webreeks met "nuus en bespreking van onderwerpe wat vir skeptici van belang is."[15]

Hill het ook bygedra tot die webjoernaal The Huffington Post as "'n navorser wat spesialiseer in die interaksie tussen wetenskap, die media en die publiek"[16] en het bygedra tot verskillende skeptiese, wetenskaplike en paranormale webjoernale soos Skeptoid[17] en Aaron Sagers se "Paranormale popkultuur".[18]

In 2018 het Hill die "skeptiese" etiket in die openbaar ontwyk weens negatiewe konnotasies van die term en twispunte wat sy met georganiseerde skeptisisme het. Sy het gesê: "Die etiket is beperk en is oorweldig met verkeerde vermoedens dat dit elitisties en arrogant is en met geslote gesindheid werk." Sy het ook gesê dat "Die nakoming en voorspraak van ateïsme, 'n afsonderlike en nouer nis, steeds in konflik is met skeptisisme." Sy handhaaf haar steun vir die "filosofie en proses van wetenskaplike skeptisisme".[19] Hierdie houding is in 2013 in haar Sounds Sciencey-kolom gesien waarin sy gesê het dat die terme "skeptici" en "gelowiges" beperkend is, veral hoe beide terme kultureel beskou word. Nóg haar webwerwe of haar podsending gebruik die woord "skepties".[20]

Studie van paranormale ondersoekgroepe wysig

 
Sharon Hill in 2013

In 2011 het Hill op die Balticon Science Fiction Convention verskyn, waar sy die aanbieding "Being Scientifical" gelewer het, wat op amateurnavorsingsgroepe en veral op sogenaamde paranormale navorsers gefokus het.[21]

Die onderwerp van amateurnavorsings- en ondersoekgroepe was ook die onderwerp van Hill se Mestersproefskrif, wat die "gemeenskap van amateur-paranormale ondersoekers ondersoek het en hoe hulle wetenskap gebruik het".[22] Hill het gekyk na paranormale groepe wat spoke, Vreemde vlieënde voorwerpe en monsters ondersoek en wat nie verbonde was aan enige instelling of wetenskaplikes nie, groepe wat geen verbintenis met die wetenskaplike gemeenskap het nie. Sy het gekyk hoe hulle wetenskap gebruik, spesifiek die woorde "wetenskap" of "wetenskaplik" op hul webwerwe. Sy wou kyk of daar eintlik wetenskap in hul metodes en / of doelstellings is, en wou sien of enige van hierdie groepe wetenskaplik was. Sy het gevind dat die groepe "wetenskap feitlik uitsluitlik gebruik het as 'n manier om wettig te lyk. Hierdie mense het geen wetenskaplike opleiding gehad nie." Sy het Meet the Skeptics! vertel dat die groepe wetenskap "as 'n stereotipe gebruik het: die gespesialiseerde taal, die toerusting, die houding."[7]

Hill se navorsing het getoon dat hoewel "amateurnavorsings- en ondersoekgroepe dikwels wetenskaplike taal, simbole en metodes gebruik het om hul groepe se sienings of aktiwiteite te beskryf," het die duisend amateur-paranormale ondersoekgroepe wat bestudeer is, dikwels gebruik gemaak van "nie-wetenskaplike en subjektiewe metodes in samewerking met objektiewe metodes," en dat die prosess "wat as wetenskaplik beskou word deur die ondersoekgroepe nie ooreenstem met gevestigde metodes en die etos van die wetenskaplike navorsingsgemeenskap of wetenskaplike prosesse van ondersoek nie."[23]

In 'n onderhoud oor die omvang van skeptisisme, het Hill met Kylie Sturgess, vorige president van die Atheist Foundation of Australia, haar mening bespreek dat, gebaseer op navorsingsbevindinge,[23] die meeste paranormale ondersoekgroepe skade aan die publiek kan berokken.[24] Volgens Hill sê baie amateur-paranormale ondersoekgroepe dat hulle "wetenskap doen wanneer dit absoluut nie waar is nie."[24] In haar podsending-onderhoud met Meet the Skeptics! sê Hill dat "amateur-paranormale ondersoekgroepe wat sê dat hulle 'n wetenskaplike metode gebruik probeer dit doen maar hulle mis die ingewikkelder einde daarvan, waar hulle nie hul idees wil toets nie, hulle wil nie kritiek hê nie, hulle wil dit nie aan die wetenskaplike gemeenskap voorstel nie, wil hulle nie hê dat dit na gekyk word nie, en daarom is dit nie wetenskap nie."[7] Hill het paranormale ondersoekers gekritiseer omdat hulle vir ouers gesê het dat demone die oorsaak is van geluide en die vreemde gedrag van hul kinders, en het hierdie praktyk as "gemene en onetiese gedrag" gekarakteriseer.[24]

Nadat sy die Fenomenologie-konferensie in Gettysburg bygewoon het, het Hill geskryf oor haar waarnemings vir die Centre for Enquiry. Sy het beskryf wat sy sien as 'n verskuiwende houding van hierdie paranormale ondersoekgroepe van 'n "wetenskaplik-klinkende" benadering tot 'n geestelike benadering. Sy verwys na 'n voorbeeld van hierdie verandering, die TV-program Paranormal State wat hadel oor die paranormale navorsingsgenootskap van die Universiteit van Pennsilvanië, wat deur die Katolisisme beïnvloed is. Van hierdie paranormale groepe het Hill geskryf dat dit van kritieke belang is vir waarnemers van die paranormale kultuur om op te let "hoe belangrik GEVOEL in hierdie ervarings is, eerder as om daaroor te DINK."[25]

 
Hoe om oor vreemde nuus te dink - 2012

Doubtful News wysig

In 2011 het Hill die webwerf Doubtful News begin, wat nuusbronne saamstel terwyl kommentaar en agtergrondinligting verskaf word. Hill het op die podsending Skepticality gesê dat Doubtful News "'n manier is om na vreemde nuus in 'n meer skeptiese lig te kyk." [26] In 'n artikel in die webjoernaal Skeptical Inquirer in Mei 2012 word die bekendstelling daarvan gedokumenteer, waaroor Hill gesê het "dit het ontstaan omdat daar nie 'n enkele bron was om nuus te lewer wat van belang is vir kritiese denkers wat nie primêr wetenskaplike aanbiedinge of opinies was nie."[27] As 'n privaat webjoernaal, is die kommentaarbeleid van Doubtful News om kommentaar te beperk tot informatiewe, beskaafde besprekings wat bydra tot die onderwerp en "swak argumente en vloek" of die bevordering van propaganda-webwerwe te beperk.[28]

Op die tuisblad van Doubtful News word gesê dat die webwerf nie meer opgedateer sal word nie en dat sommige van die inhoud verwyder is. Gearchiveerde inhoud kan op die Wayback Machine gevind word.[29]

15 Credibility Street wysig

Op 17 Oktober 2016 het Doubtful News 'n podsending genaamd 15 Credibility Street geloods, waarvoor Hill beide regisseur en mede-gasheer was met Torkel Ødegård en Howard Lewis. Die programnotas was op die webwerf Doubtful News beskikbaar gestel en van die podsendings is ook hierop geargiveer. Die podsending is bedoel om "'n platform te wees vir die bespreking van items wat op die webwerf Doubtful News verskyn het vir verdere nadenke en kommentaar, sowel as ander skeptiese onderwerpe." Die podsending het episodes tot November 2018 uitgesaai.[30]

Spooky Geology wysig

Hill het die webwerf "Spooky Geology" geskep, 'n "wetenskaplik-gebaseerde blik op geheimsinnige aardverskynsels, geologiese afwykings en die eindelose vreemde idees oor rotse en die aarde wat 'n bietjie abnormaal, paranormaal of bonatuurlik is."[31]

Kriptodierkunde wysig

Hill het gereeld geskryf oor die onderwerp van kriptodierkunde, 'n pseudowetenskap. In haar boek Scientifical Americans: The Culture of Amateur Paranormal Researchers (2017) ondersoek Hill die veld en bespreek aspekte van die subkultuur, en let op interne pogings om meer wetenskaplike benaderings te skep, die betrokkenheid van Jong Aarde-kreasionisme en die voorkoms van bedrog. Sy kom tot die gevolgtrekking dat baie kriptodierkundiges "passievol en opreg is in hul oortuiging dat daar geheimsinnige diere bestaan. As sodanig gee hulle respek vir elke verslag van 'n waarneming, dikwels sonder kritiese bevraagtekening. Soos met die spookjagters, is kriptodierkundiges oortuig dat hulle die een is om die raaisel op te los en geskiedenis te maak. Met die verleiding van misterie en geld wat ywerige en etiese navorsing ondermyn, het die veld van kriptodierkunde ernstige geloofwaardigheidsprobleme."[3]

 
Saam met Simon Singh en Susan Gerbic in 2015

Die rol van skeptisisme wysig

Hill het die idee om die fokus van skeptisisme te beperk om spesifiek op godsdienstige geloof te teiken gekritiseer, en gesê dat "kritisisme van godsdiens regtig nie 'n plek in die wetenskaplike raamwerk het nie. Maar as godsdienstige aansprake oorgaan na toetsbare aansprake, dan is hulle billik teikens vir die skeptici." Hill het 'n toename in dialoog tussen paranormale gelowiges en skeptiese groepe aangemoedig, en skeptici aangemoedig om "tyd te neem om na die ander kant te luister, veral die gelowiges, want daar is iets om by hulle te leer."[22]

Op 14 April 2013, in 'n onderhoud op die Strange Frequences Radio-podsending, het Hill gesê dat sy die rol van wetenskaplike skeptisisme beskou as 'n "soort verbruikersbeskerming" om mense te help om selfs alledaagse eise beter te evalueer: "Ons moet regtig skeptisisme elke dag in die lewe toepas, anders word ons bedrieg, mislei deur 'n produk wat nie werk nie, of dit kan ons gesondheids- of bankrekening beïnvloed."[32]

Scientifical Americans wysig

Historikus Brian Regal het Hill se eerste boek Scientifical Americans vir Skeptical Inquirer beoordeel. Hy sê dit is 'n tydige boek omdat dit gekom het in 'n era waarin baie mense wetenskap bevraagteken. Hill gee 'n historiografie van die gebied van "moderne paranormale belang: monsters, VVV's en spoke." Sy beledig nie die mense waaroor sy skryf nie, maar verduidelik hul verhale deur gevallestudies. Regal meen dat hierdie boek nie gelowiges in die paranormale sal afskrik nie, maar dat dit 'n belangrike deel van "'n groeiende literatuur oor amateur-paranormale navorsing is."[33]

Hill het haar boek met Richard Saunders bespreek in 'n episode van die podspending Skeptic Zone op 27 Mei 2018. "Dit gaan oor die kultuur van paranormale amateur-ondersoekers; dit gaan oor hoe hulle die wetenskap verstaan ​​en wetenskap probeer gebruik. Dit gaan meer oor die openbare begrip van wetenskap, maar fokus op die paranormale navorsers en wat hulle doen. In die boek praat ek nie net oor spookjagters nie, maar ook oor kriptodierkundiges en VVV-ondersoekers wat dieselfde ding op 'n ander manier doen. Elk van die velde is effens anders. En ek praat oor hoe die wetenskap al na hierdie velde gekyk het en ontdek dat daar nie regtig iets is om te ondersoek nie."[34]

Verwysings wysig

  1. "Sounds Sciency" (in Engels). CSICOP. Besoek op 2 Julie 2020.
  2. "Five New Fellows, Two Consultants Elected to Committee for Skeptical Inquiry". Skeptical Inquirer (in Engels). 37 (2): 8. 2013.
  3. 3,0 3,1 Hill, Sharon A. (2017). Scientifical Americans: The Culture of Amateur Paranormal Researchers (in Engels). McFarland. ISBN 9781476630823. Besoek op 2 Julie 2020.
  4. Esack, Steve (6 Februarie 2004). "Route 33 bridge in fast lane — Span split by sinkhole may be replaced by autumn for $6 million". Morning Call (in Engels). Allentown, Pa., United States. p. B1. ISSN 0884-5557.
  5. Hill, Sharon A. (23 September 2005). "Resolving Sinkhole Issues: A State Government Perspective".: 520–28, American Society of Civil Engineers. doi:10.1061/40796(177)55. Besoek op 2 Julie 2020. 
  6. Hill, Sharon A. (Mei 2010). "21st Century Noncoal Regulatory Issues"., Pennsylvania Department of Conservation and Natural Resources, Bureau of Topographic and Geologic Survey. Besoek op 2 Julie 2020. 
  7. 7,0 7,1 7,2 Brown, Christopher (9 Augustus 2011). "Podcast:Meet Sharon Hill" (in Engels). Meet the Skeptics!. Geargiveer vanaf die oorspronklike (podsending) op 2 Januarie 2017. Besoek op 2 Julie 2020.
  8. Hill, Sharon (26 Februarie 2017). "15 Credibility St #11: It's One Louder". Doubtfulnews.com (in Engels). Doubtful News. Geargiveer vanaf die oorspronklike op 30 Desember 2017. Besoek op 2 Julie 2020.
  9. Brocious, Jason (5 Desember 2017). "LVH Annual Meeting: Kenny Biddle's Investigations Of Paranormal CLAIMS". lvhumanists.org (in Engels). Lehigh Valley Humanists. Geargiveer vanaf die oorspronklike op 30 Desember 2017. Besoek op 2 Julie 2020.
  10. Richard Saunders (3 Maart 2013). "The Skeptic Zone #228" (podsending). The Skeptic Zone (in Engels). Besoek op 2 Julie 2020.
  11. Hill, Sharon (22 Maart 2013). "Guide to Skepticism – A Community Document" (in Engels). James Randi Educational Foundation. {{cite journal}}: Cite journal requires |journal= (hulp)
  12. Kylie Sturgess (16 April 2013). "On the Media Guide to Skepticism" (podsending). Token Skeptic Podcast (in Engels).
  13. "The Amaz!ng Meeting – Schedule" (in Engels). James Randi Educational Foundation. Geargiveer vanaf die oorspronklike op 19 Julie 2013. Besoek op 2 Julie 2020.
  14. (en) Coalition Building for the Skeptical Activist – TAM 2012 op YouTube
  15. "About the Virtual Skeptics" (in Engels). Geargiveer vanaf die oorspronklike op 7 Januarie 2013. Besoek op 2 Julie 2020.
  16. "Sharon Hill". Huffington Post (in Engels). Besoek op 2 Julie 2020.
  17. Hill, Sharon. "Sharon Hill – Skeptoid" (in Engels). Skeptoid.com. Geargiveer vanaf die oorspronklike op 4 Maart 2016. Besoek op 2 Julie 2020.
  18. Hill, Sharon A. (29 April 2013). "Believe it (or not) but there is a lot to learn at a skeptic-con". Paranormal Pop Culture (in Engels).
  19. Hill, Sharon A. "Please don't call me a Skeptic". Sharon A. Hill (in Engels). Geargiveer vanaf die oorspronklike op 12 Julie 2018. Besoek op 2 Julie 2020.
  20. Palmer, Rob (14 September 2018). "The Well-Known Skeptic: I'm Keeping My Skeptic's Card!". CSI (in Engels). Center for Skeptical Inquiry. Geargiveer vanaf die oorspronklike op 7 Februarie 2019. Besoek op 2 Julie 2020.
  21. "Balticon, Maryland Regional Science Fiction Convention" (in Engels). Besoek op 2 Julie 2020.
  22. 22,0 22,1 (en) 2012 PA State Atheist Humanist Conference: Sunday Morning Welcome / Sharon Hill op YouTube
  23. 23,0 23,1 Hill, Sharon A. (Desember 2010). "Being Scientifical: Popularity, Purpose and Promotion of Amateur Research and Investigation Groups in the U.S." (in Engels). New York: University at Buffalo, State University of New York. {{cite journal}}: Cite journal requires |journal= (hulp)
  24. 24,0 24,1 24,2 Sturgess, Kylie (2012). The Scope of Skepticism: Interviews, Essays and Observations from the Token Skeptic Podcast (in Engels). PodBlack Books. p. 99. ISBN 9781291005011.
  25. Hill, Sharon. ""Phenomenology" Paranormal Conference Shows Shift from Sciencey to Spiritual" (in Engels). Center For Inquiry. Besoek op 2 Julie 2020.
  26. Hill, Sharon A. (8 Januarie 2013). "Another Doubtful Year" (in Engels). Skepticality. Besoek op 6 Julie 2020.
  27. Radford, Benjamin (Junie 2012). "Doubtful News blog launched". Skeptical Inquirer (in Engels). 36 (3): 6. ISSN 0194-6730.
  28. "Comment Policy". Geargiveer vanaf die oorspronklike op 7 September 2015. Besoek op 6 Julie 2020.
  29. "Doubtful News: The Afterlife". Doubtful News (in Engels). Geargiveer vanaf die oorspronklike op 6 Julie 2020. Besoek op 6 Julie 2020.
  30. Mongia, Gurmukh (2017). "A Visit to 15 Credibility Street". Skeptical Briefs (in Engels). 37 (1): 13.
  31. "About Spooky Geology". Spooky Geology. Geargiveer vanaf die oorspronklike op 6 Julie 2020. Besoek op 6 Julie 2020.
  32. "Strange Frequencies Radio - Episode 235" (podsending). Strange Frequencies Radio (in Engels). 14 April 2013.
  33. Regal, Brian (2018). "Strang Songs from the Fringe". Skeptical Inquirer (in Engels). Committee for Skeptical Inquiry. 42 (2): 60–61.
  34. "The Skeptic Zone #501 27.May.2018". The Skeptic Zone Podcast (in Engels). Besoek op 6 Julie 2020.

Eksterne skakels wysig