Siaan

kleur sigbaar tussen blou en groen; subtraktiewe primêre kleur
#00FFFF

Siaan is 'n suiwer spektrale kleur, maar dieselfde tint kan ook voortgebring word deur gelyke hoeveelhede groen en blou lig te meng. Siaan is dus die komplement van rooi: siaanpigmente absorbeer rooi lig. Siaan word soms ook blougroen genoem, en word dikwels nie van ligblou onderskei nie.

'n Voorbeeld van 'n siaankleur in die RGB-kleurspasie het sterktes <0, 255, 255> op 'n 0 tot 255 skaal.

Siaan is een van die algemene inkstowwe wat in vierkleurdrukwerk gebruik word, tesame met magenta, geel en swart; hierdie stel kleure word na verwys as "CMYK".

Sekere tinte in verwante spektra wat sterk met siaan ooreenkom, is turkoois, neonblou en akwamaryn.

Kleurkoördinate wysig

Volgens verskeie kleurskemas word siaan soos volg voorgestel:

Model Koördinate
Heksadesimale kode #00FFFF
RGB-kleurmodel (0, 255, 255)
CMYK (255, 0, 0, 0)
HSV (180°, 100%, 100%)

Sien ook wysig