Siberiese kat
Die Siberiese kat (Russies: Сиби́рская ко́шка; Engels: Siberian) is ’n katras met halflang hare wat al eeue lank in Rusland voorkom.[1] Die kat se volle naam is die Siberiese boskat, maar word meestal net die Siberiese kat genoem.[1] Dit is ’n antieke ras wat nou beskou word as die voorouer van alle moderne langhaarkatte.[1] Die kat toon ooreenkomste met die Noorse boskat, waaraan dit waarskynlik nou verwant is.[1] Dit is ’n natuurlike ras en die nasionale kat van Siberië.
| Siberiese kat | ||||
| ||||
| Alternatiewe naam | Newa-maskeradekat Moskouse halflanghaarkat | |||
| Land | Rusland | |||
| Ontstaan | Natuurlik | |||
| Soort lyf | Halfstewig | |||
| Pels | Halflank | |||
| Patroon | Alle | |||
| Wetenskaplike naam | ||||
| Felis catus (huiskat) | ||||
| ||||
Geskiedenis wysig
Die kat is die eerste keer genoem in ’n boek deur Harrison Wier. Dit het inligting ingesluit oor die vroegste katskoue in 1871 in Engeland.[2] Die kat is in 1987 deur die Kotofei-katklub in Sint Petersburg geregistreer[3] en in 1990 die eerste keer na die VSA uitgevoer. Die Russiese oudpresident Dmitri Medwedef en die voormalige Sowjetpresident Michail Gorbatsjof besit albei Siberiese katte.[4]
Beskrywing wysig
Die Siberiese kat is ’n ratse springer, hy is sterk gebou en het sterk agterbene. Hulle het medium-groot ore, breë voorkoppe en ’n stewiger bou as ander katte.[5]
Daar word reeds jare lank oor die hipo-allergeniese eienskappe van die Siberiese kat geskryf en hoewel daar min wetenskaplike bewyse daarvoor is, beweer telers en eienaars dat die katte, veral die wyfies, veilig is vir mense wat aan allergieë ly.[6] Die pels koek nie maklik nie en bestaan uit ’n bo-, middel- en onderlaag wat hom teen die uiterste Siberiese koue beskerm. Soos by ander katte, verskil die kleure en alle kleure is aanvaarbaar, ook strepe, skilpaddop en kleurpunte. Daar is geen spesifieke kleur of patroon nie. Die meeste telers en verenigings aanvaar dat kleurpunte natuurlik by die Siberiese kat voorkom. Dié met kleurpunte is ook bekend as "Newa-maskeradekatte": Newa vir die rivier waar hulle na bewering hul oorsprong het, en maskerade vanweë hul maskeragtige kleure.[7]
Siberiese katte verhaar een of twee keer per jaar. Die eerste keer is aan die einde van die winter – dit word nie deur die weer veroorsaak nie, maar deur die verskil in die lengte van die dag. Aan die einde van die somer sal baie katte ook verhaar, maar minder.
Siberiese katte is baie goeie ouers en die pa's sal help om die kleintjies te versorg. Sommige wyfies sal ook net met een mannetjie paar. Anders as ander katte, sal jong katjies mekaar ook lek en versorg.
Galery wysig
-
Silwer-en wit Siberiese kat. -
Twee bruin gespikkelde jong katte. -
Mokkakleurige kat met ’n wit vlek op die bors. -
Mannetjieskat. -
Siberiese kleurpuntkat.
Sien ook wysig
Verwysings wysig
- ↑ 1,0 1,1 1,2 1,3 "Cat Breeds of the World". A Complete Illustrated Encyclopedia. (1999). Viking.
- ↑ "Siberian – Cat Breed Information & Breed Facts" (in Engels). Petside. Geargiveer vanaf die oorspronklike op 17 Mei 2013. Besoek op 8 Augustus 2009.
- ↑ "Siberian cat – History" (in Engels). Siberian Cat World. Geargiveer vanaf die oorspronklike op 24 Maart 2014. Besoek op 8 Augustus 2009.
- ↑ "Siberian". Cats 101. 14 November 2009. No. 2, season 2.
- ↑ "Siberian Cat Breed Info" (in Engels). Geargiveer vanaf die oorspronklike op 23 Junie 2018. Besoek op 8 Augustus 2009.
- ↑ "The Show Cat Magazine – Siberian Cat". Geargiveer vanaf die oorspronklike op 5 Maart 2012. Besoek op 8 Augustus 2009.
- ↑ "Cats of Australia". Cats of Australia. Besoek op 19 Desember 2011.
Eksterne skakels wysig
- Suider-Afrikaanse standaarde Geargiveer 7 Mei 2013 op Wayback Machine
- CFA-profiel Geargiveer 7 Desember 2011 op Wayback Machine
Wikimedia Commons het meer media in die kategorie Siberiese kat.
Hierdie artikel is vertaal uit die Engelse Wikipedia
