Snylint-lipvis
Die Snylint-lipvis (Stethojulis interrupta) is 'n vis wat voorkom in die Indiese-Pasifiese area, die Rooisee en aan die ooskus van Afrika vanaf die Oman tot by Algoabaai. In Engels staan die vis bekend as die Cutribbon wrasse.
| Snylint-lipvis | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | Cuvier, 1816
|
| Genus: | |
| Spesie: | S. interrupta
|
| Binomiale naam | |
| Stethojulis interrupta | |
| Sinonieme | |
| |
Voorkoms wysig
Die vis se lyf is plat en die vis word tot 13 cm groot. Daar is skerp snytande in die kake. Die sylyn buig skerp afwaarts halfpad op die lyf.
Aanvanklik is die vis pienkerig bruin of groen aan die bokant en wit aan die onderkant. Daar is swart merke agter die pektorale vinne en 'n wit streep van die mond tot by die boonste punt van die pektorale vin se basis.
Die volwasse vis is groenerig-bruin aan die bokant met 'n blou lyn – aan die bokant van die lyf onder die dorsale vin – wat begin by die dorsale vin se voorkant tot by die stertvin. Die onderste helfte van die lyf is ligblou tot wit. Daar is 'n blou-wit lyn in die middel van die lyf en daar is ook twee blou strepe op die kop. Daar is ook 'n kort blou strepie onder die pektorale vin en 'n oranje kol bokant die pektorale vin se basis.
Habitat wysig
Die vis leef in koraalriwwe in water wat 2 – 15 m diep is. Dit kom ook voor in getypoele en seegrasbeddings. Die vis vreet bodem ongewerweldes soos skaaldiere en slakke. By rots bodems word die prooi net so ingesluk en by sanderige bodems word 'n mondvol sand in gesuig, die kos uitfiltreer en die res deur die kieu openinge uitgeblaas.
Sien ook wysig
Bron wysig
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
