Soechoi Su-9
Die Soechoi Su-9 is 'n Sowjet vegvliegtuig. Die oorheersing van die swiepvlerk vliegtuie tydens die Korea-oorlog het navorsing gestimuleer en die deltavlerk ontwerp het gewild geraak. Die Sowjetunie se National Aerodynamic Research Centre (TSAGI) het deltavlerk ontwikkeling ondersteun. Die vervaardiger Soechoi het die T-3, 'n deltavlerk prototipe ontwikkel en gebou. Daar was verskeie modelle van die neus probeer, die beste oplossing was die sirkulêre luginlaat met die koniese dop, waarin die radar was, in die middel daarvan. Produksie van die vliegtuig het in 1958 begin en die eerste vliegtuie is in diens gestel in 1959 lugverdediging eskaders. Die vliegtuie kon vier AA-1 Alkali lug-tot-lug missiele dra. Hulle het ook twee weggooibare tenks gedra omrede die permanente brandstof tenks slegs 2,145 liters kon hou, wat die vliegtuig se togafstand beperk het.
| Soechoi Su-9 | |
|---|---|
 | |
| Tipe | Vegvliegtuig |
| Vervaardiger | Soechoi |
| Nooiensvlug | 24 Junie 1956 |
| Bekendstelling | 1959 |
| Onttrek | 1970's |
| Status | Uit diens onttrek. |
| Hoofgebruiker | Russiese Lugmag |
| Aantal gebou | 1,150 |
| Weergawes | Soechoi Su-11 |
'n Spesiale model T-341 het 'n hoogte rekord van 28,852 m daar gestel in 1959. Die Su-9 was in gebruik tot in die vroeë 1980's en was later gebruik as radio beheerde vliegtuie of hommeltuie asook as teikens en opleiding.
In 1961, tydens die Tushino Lugvaartdag, is prototipe T-43 bekendgestel wat 'n verbeterde Su-9 is en is as die Soechoi Su-11 indiens gestel.
Sien ook wysig
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9