Stewel
'n Stewel (ontleen uit Duits, Stiefel, aan die Kaap [1]) is 'n tipe skoeisel en skoensoort.
Die meeste stewels omsluit hoofsaaklik die voet en enkel, maar kan ook die been, knie en selfs die heup bedek. Die meeste stewels beskik oor 'n hak wat duidelik van die res van die sool te onderskei is. Gewoonlik word stewels van leer of rubber gemaak, maar deesdae ook van ander kunsstowwe. Stewels word om verskeie redes gedra – om die voet en been te beskerm teen water, sneeu, vullis en modder, om die enkel te ondersteun tydens veeleisende aktiwiteite of bloot om moderedes.
Die woordherkoms dateer terug na die 13de eeuse Hoogduits (Stiefel) en na Middeleeuse Latyn (stivale) wat spruit uit die Latyn æstivale (somers); somerskoene.[2]
Verwysing wysig
- ↑ Raidt, E.H. 1976. Duitse ontlenings aan die Kaap. Afrikaans en sy Europese Verlede. Kaapstad: Nasou Beperk. p. 168
- ↑ http://www.etymologiebank.nl/trefwoord/stevel
Eksterne skakels wysig
Wikiwoordeboek het 'n inskrywing vir stewel.
