Suidlanders

Suid-Afrikaanse regse wit Afrikaner-oorlewingsorganisasie vir burgerlike verdediging

Die Suidlanders is 'n Suid-Afrikaanse organisasie wat die uiteindelik en ineenstorting van die land se infrastruktuur voorspel en planne beraam om Afrikaners uit die groot stede te ontruim.[1][2] Dit is 'n burgerlike verdedigingsorganisasie wat in 2006 gestig is. Die organisasie word deur Gustav Müller gelei.[2]

Die Suidlanders se kenteken is 'n druppel.

Die Suidlanders beroep hulself op internasionale reg, spesifiek protokol I en II (gedateer 8 Junie 1977) bykomend tot die Geneefse konvensies (van 12 Augustus 1949). Protokol I het betrekking tot die beskerming van slagoffers van internasionale gewapende konflik en protokol II het betrekking op die beskerming van slagoffers van nie-internasionale konflik. Klem word op artikels 60 tot 69 van protokol I geplaas (gedemilitariseerde sones en burgerlike verdediging).[3]

Die organisasie word sterk deur die profesieë van Siener van Rensburg beïnvloed.[4] Baie mense glo dat Siener die oorname van 'n swart regering oor Suid-Afrika geprofeteer het, en dat Afrikaners bitter onder so 'n regering sal ly. Hulle glo ook dat dit op 'n uiteindelike stryd of oorlog afstuur, waarop mense hulself moet voorberei.

Opleiding oor alle aspekte van burgerlike verdediging word aan lede verskaf. Die opleiding wissel van noodhulp, logistiek, kommunikasie en die beheer van vlugtelinge. Hulle hou ook hul lede op hoogte van insidente en protesoptogte en maak noodplanne vir ontruiming aan hul lede beskikbaar.

Verwysings wysig

  1. Staff (25 Oktober 2013). "S. Africa evacuation plan: White Afrikaner group fears genocide upon Mandela's death". RT (in Engels). Geargiveer vanaf die oorspronklike op 9 Oktober 2019.
  2. 2,0 2,1 Schneider, Victoria (7 November 2013). "Is the white-right in South Africa a threat?". Al Jazeera (in Engels). Geargiveer vanaf die oorspronklike op 19 Januarie 2020.
  3. Suidlanders (2015). Suidlanders Manual in English. Freely available upon request navrae@suidlanders.co.za: Suidlanders. p. 13.
  4. Snyman, Adriaan (1993). Stem van 'n Profeet. Hugenote Publikasies. ISBN 095837791X.

Eksterne skakels wysig